Drishyam 3 | బాక్సాఫీస్ వద్ద బాలీవుడ్ ‘దృశ్యం 3’ సంచలనం.. తొలిరోజే రికార్డు వసూళ్లు!

Drishyam 3 | బాలీవుడ్ స్టార్ హీరో అజయ్ దేవ్‌గన్ నటించిన మోస్ట్ అవేటెడ్ సస్పెన్స్ థ్రిల్లర్ 'దృశ్యం 3: ది కన్‌క్లూజన్' బాక్సాఫీస్ వద్ద సరికొత్త చరిత్ర సృష్టిస్తూ దూసుకుపోతోంది.

Bollywood’s Drishyam 3 | బాలీవుడ్ స్టార్ హీరో అజయ్ దేవ్‌గన్ నటించిన మోస్ట్ అవేటెడ్ సస్పెన్స్ థ్రిల్లర్ ‘దృశ్యం 3: ది కన్‌క్లూజన్’ (Drishyam 3: The Conclusion) బాక్సాఫీస్ వద్ద సరికొత్త చరిత్ర సృష్టిస్తూ దూసుకుపోతోంది. సినిమా విడుదలకు ముందే ఆన్‌లైన్‌లో బుకింగ్స్ జోరుగా సాగగా, విడుదలైన మొదటి రోజే ఈ చిత్రం బాక్సాఫీస్ వద్ద అన్ని రికార్డులను తిరగరాసింది.

గాంధీ జయంతి (అక్టోబర్ 2) కానుకగా గ్రాండ్‌గా విడుదలైన ఈ సినిమాకు ఆన్‌లైన్ ప్లాట్‌ఫారమ్‌లలో అద్భుతమైన స్పందన లభించింది. విడుదల కంటే ముందే అడ్వాన్స్ బుకింగ్స్ రూపంలోనే రూ. 50 కోట్లకు పైగా వసూలు చేసి ట్రేడ్ వర్గాలను ఆశ్చర్యపరిచిన ఈ చిత్రం, తొలి రోజు ఇండియన్ బాక్సాఫీస్ వద్ద దాదాపు రూ. 62-66 కోట్ల నెట్ కలెక్షన్లను సాధించింది. ఓవర్సీస్‌‌తో కలుపుకుని తొలిరోజే ప్రపంచవ్యాప్తంగా రూ. 95.10 కోట్ల గ్రాస్ వసూళ్లతో వంద కోట్ల మార్కుకు అత్యంత చేరువయింది. అజయ్ దేవ్‌గన్ గత చిత్రాల రికార్డులను అధిగమించి, ఆయన కెరీర్‌లోనే అత్యధిక ఓపెనింగ్స్ సాధించిన సినిమాగా నిలవడమే కాకుండా, బాలీవుడ్ చరిత్రలో థర్డ్ బిగ్గెస్ట్ ఓపెనర్‌గా ఘనత సాధించింది. సినిమా చూసిన ప్రేక్షకులు మరియు క్రిటిక్స్ నుంచి క్లైమాక్స్ మరియు స్క్రీన్‌ప్లే చాలా బాగున్నాయని పాజిటివ్ రివ్యూస్ వస్తున్నాయి. విజయ్ సల్గాంకర్ పాత్ర మరోసారి ప్రేక్షకులను ఎంతగానో ఆకట్టుకుందని, మహారాష్ట్ర, ఢిల్లీ-NCR ప్రాంతాలలో హౌస్‌ఫుల్ బోర్డులతో ప్రదర్శనలు కొనసాగుతున్నాయని ట్రేడ్ నిపుణులు వెల్లడిస్తున్నారు. ఈ జోరు చూస్తుంటే రాబోయే వీకెండ్‌లో ఈ సినిమా మరిన్ని సంచలనాలు సృష్టించడం ఖాయంగా కనిపిస్తోంది.