Bigg Boss 10 | మాజీ కంటెస్టెంట్లతో హౌస్లో హీటెక్కిన నామినేషన్లు.. ముకేష్పై త్రిగుణ్ ఫైర్, ఈ వారం డబుల్ ఎలిమినేషన్?
Bigg Boss 10 | బిగ్ బాస్ తెలుగు సీజన్ 10లో 11వ వారం నామినేషన్ల ప్రక్రియ ప్రేక్షకులకు కావాల్సినంత వినోదాన్ని, ఉత్కంఠను అందించింది. ఈసారి నామినేషన్లను కేవలం ఇంటి సభ్యుల మధ్యే నిర్వహించకుండా, మాజీ కంటెస్టెంట్లను రంగంలోకి దింపి బిగ్ బాస్ సరికొత్త ప్రయోగం చేశారు. 'డిక్టేటర్స్' కాన్సెప్ట్తో హౌస్లోకి అడుగుపెట్టిన మాజీ సభ్యులు.. ప్రస్తుత కంటెస్టెంట్ల ఆటతీరును ప్రశ్నిస్తూ, వారి బలహీనతలను ఎత్తిచూపుతూ నామినేషన్ల ప్రక్రియను మరింత ఆసక్తికరంగా మార్చారు.
Bigg Boss 10 | బిగ్ బాస్ తెలుగు సీజన్ 10లో 11వ వారం నామినేషన్ల ప్రక్రియ ప్రేక్షకులకు కావాల్సినంత వినోదాన్ని, ఉత్కంఠను అందించింది. ఈసారి నామినేషన్లను కేవలం ఇంటి సభ్యుల మధ్యే నిర్వహించకుండా, మాజీ కంటెస్టెంట్లను రంగంలోకి దింపి బిగ్ బాస్ సరికొత్త ప్రయోగం చేశారు. ‘డిక్టేటర్స్’ కాన్సెప్ట్తో హౌస్లోకి అడుగుపెట్టిన మాజీ సభ్యులు.. ప్రస్తుత కంటెస్టెంట్ల ఆటతీరును ప్రశ్నిస్తూ, వారి బలహీనతలను ఎత్తిచూపుతూ నామినేషన్ల ప్రక్రియను మరింత ఆసక్తికరంగా మార్చారు. ముఖ్యంగా ముకేష్, వర్షిణి, త్రిగుణ్, అమన్, రాం ప్రసాద్ మధ్య జరిగిన వాదనలు ఎపిసోడ్లో హైలైట్గా నిలిచాయి. సోమవారం నాటి ఎపిసోడ్లో అపూర్వ, షాలినీ, మిథిలేష్, దక్షి, ఝాన్సీ హౌస్లోకి ఎంట్రీ ఇచ్చారు. ఇక 72వ రోజు ఎపిసోడ్లో శ్రష్టి వ్యాకరణం, చరణ్, శ్వేత ఇంట్లోకి రావడంతో నామినేషన్ల ప్రక్రియ చివరి దశకు చేరుకుంది. మాజీ కంటెస్టెంట్లు తమకు ఇచ్చిన డ్యాగర్లను ఉపయోగించి ప్రస్తుత సభ్యులను నామినేట్ చేయడంతో పాటు, వారి ఆటలోని లోపాలను ఎత్తిచూపారు.
72వ రోజు ఎపిసోడ్లో శ్రష్టి వ్యాకరణం ఎంట్రీ ఇవ్వగానే ఆర్కేపై సెటైర్లు వేసింది. “ఆర్కే ఎలా ఉన్నావ్.. నువ్వు, ఆ లెటర్ బాక్స్ రెండూ ఒకేలా ఉన్నారు” అంటూ అతడి ఆటతీరును పరోక్షంగా ప్రశ్నించింది. హౌస్లో ఉన్నప్పటికీ పెద్దగా ప్రభావం చూపడం లేదన్నట్టుగా శ్రష్టి చేసిన కామెంట్ చర్చనీయాంశమైంది. ఆ తర్వాత వర్షిణిని నామినేట్ చేస్తూ ఆమె ఆటతీరుపై తీవ్ర విమర్శలు చేసింది. ముకేష్తో కలిసి ఉండటం వల్ల వర్షిణి సొంత వ్యక్తిత్వం బయటకు రావడం లేదని అభిప్రాయపడింది. ఆమె ఉపయోగిస్తున్న ఉమెన్ కార్డ్ కూడా సరిగ్గా లేదని, ఆత్మవిశ్వాసం లేకుండా ప్రతిసారీ సంకోచంతో వ్యవహరిస్తోందని శ్రష్టి వ్యాఖ్యానించింది.
దీనికి వర్షిణి స్పందిస్తూ.. అబ్బాయిలతో పోటీపడే శక్తి తనకు లేదని చెప్పింది. అయితే ఇప్పటివరకు ఒక్క టాస్క్ అయినా గెలిచావా అంటూ శ్రష్టి ప్రశ్నించడంతో వాదన మరింత వేడెక్కింది. ఈ సమయంలో ముకేష్తో కలిసి ఆడిన పజిల్ టాస్క్ గురించి త్రిగుణ్ ప్రస్తావించాడు. మరోవైపు అమన్ నుంచి కెప్టెన్సీ తీసుకోవడం తనకు నచ్చలేదని శ్రష్టి చెప్పింది. దీనిపై అమన్ అసహనం వ్యక్తం చేశాడు. తాను కెప్టెన్సీ రేసులో ఉన్నప్పటికీ తనకు మద్దతు ఇవ్వాలనే ఆలోచన శ్రష్టికి రాలేదని ప్రశ్నించాడు. అయితే అమన్కు మద్దతు ఇస్తానని శ్రష్టి గతంలో చెప్పిందని ఆర్కే గుర్తుచేయడంతో వర్షిణి, ముకేష్లు అమన్ను ప్రశ్నించారు.
తాను ఎందుకు ఎలిమినేట్ అయ్యానని భావిస్తున్నారని వర్షిణి అడగ్గా, ఇమ్యూనిటీ రేసులోకి తనను రానివ్వకపోవడమే అందుకు కారణమని శ్రష్టి స్పష్టం చేసింది. కంటెంట్ కోసం ఉపయోగించుకున్నప్పుడు గుర్తుకురాలేదా అంటూ ముకేష్ ప్రశ్నించగా, గ్రూపులో లేనన్న కారణంతోనే అప్పట్లో తనను చూసి నవ్వారని శ్రష్టి గట్టిగా సమాధానమిచ్చింది. ఈ ఎపిసోడ్లో అందరి దృష్టిని ఆకర్షించిన మరో అంశం త్రిగుణ్ నామినేషన్. శ్రష్టి తన డ్యాగర్ను త్రిగుణ్కు ఇవ్వగా, అతడు ముకేష్ను నామినేట్ చేశాడు. అయితే సాధారణంగా కారణాలు చెప్పి నామినేట్ చేయకుండా డప్పు కొడుతూ, పాట పాడుతూ ముకేష్పై తన అసంతృప్తిని వ్యక్తం చేశాడు.
ఎదుటివారి ఓటమిలో ఆనందాన్ని వెతుక్కునే వ్యక్తికి అసలు అర్హత లేదని త్రిగుణ్ వ్యాఖ్యానించాడు. “నక్కకు పులి చర్మం వేసుకుంటే పులి అవ్వదు.. మేకప్ వేసుకుంటే లోపలి మురికి బయటకు పోదు” అంటూ ఘాటు వ్యాఖ్యలు చేశాడు.అంతటితో ఆగకుండా “మూర్ఖుడంటే మూర్ఖుడు.. మబ్బులోన మూర్ఖుడు.. కల్లు తాగిన కోతిలాగా కుళ్లుకుంటాడు” అంటూ పాట రూపంలో ముకేష్పై సెటైర్లు వేశాడు. దీంతో వీరిద్దరి మధ్య గతంలో ఉన్న విభేదాలు మరోసారి తెరపైకి వచ్చాయి. త్రిగుణ్ చేసిన ఈ వినూత్న నామినేషన్ ఎపిసోడ్లో ప్రత్యేక ఆకర్షణగా నిలిచింది.
నామినేషన్ల చివరి దశలో చరణ్, శ్వేత హౌస్లోకి అడుగుపెట్టారు. చరణ్ ఎంట్రీ ఇస్తూనే “నేను పని చేసిన ఇల్లు.. నన్ను గెంటేసిన మనుషులు” అంటూ సరదాగా వ్యాఖ్యానించాడు. అయితే ఆ తర్వాత మాత్రం తన మనసులో ఉన్న అసంతృప్తిని పాయింట్ల రూపంలో బయటపెట్టాడు. హౌస్లో ఆటలో ఒక అడుగు ముందుకు వేస్తుంటే, మాటలు రెండు అడుగులు వెనక్కి లాగుతున్నాయని చరణ్ అభిప్రాయపడ్డాడు. ముఖ్యంగా త్రిగుణ్ తనను ‘చరణ్ ఓ బచ్చాగాడు’ అని అన్న విషయాన్ని గుర్తుచేసి ప్రశ్నించాడు. అలాగే షాలినీ ఉంటుందా? చరణ్ ఉంటాడా? అని అడిగినప్పుడు.. ‘చరణ్ ఏం ఆడిండు రా’ అన్నట్టుగా త్రిగుణ్ ఇచ్చిన ఎక్స్ప్రెషన్ తనను బాధించిందని చెప్పాడు. అనంతరం అమన్ ఆటతీరుపై కూడా చరణ్ తన అభిప్రాయాలను వెల్లడించాడు. మాజీ కంటెస్టెంట్గా హౌస్లో జరిగిన పరిణామాలను ప్రశ్నిస్తూ చరణ్ చేసిన వ్యాఖ్యలు ఆసక్తికరంగా మారాయి.
మాజీ కంటెస్టెంట్లు ఇచ్చిన డ్యాగర్లతో 11వ వారం నామినేషన్ల ప్రక్రియ పూర్తయినట్లు తెలుస్తోంది. ఎపిసోడ్లో జరిగిన పరిణామాలను బట్టి చూస్తే కెప్టెన్ నరేష్, ఆర్కే మినహా మిగిలిన కంటెస్టెంట్లంతా నామినేషన్లలో ఉన్నట్లు సమాచారం. అయితే పూర్తి నామినేషన్ జాబితాపై అధికారిక స్పష్టత రావాల్సి ఉంది.ఇదిలా ఉంటే ఈ వారం హౌస్లో డబుల్ ఎలిమినేషన్ ఉండే అవకాశం ఉందనే చర్చ కూడా మొదలైంది. ఇప్పటికే పోటీ తీవ్రంగా మారిన నేపథ్యంలో ఇద్దరు సభ్యులు ఒకేసారి బయటకు వెళ్తారా? అనే ఆసక్తి ప్రేక్షకుల్లో నెలకొంది
Read Today's Latest Cinema News in Telugu and Telugu News
RELATED ARTICLES
తాజా వార్తలు
Bigg Boss 10 | మాజీ కంటెస్టెంట్లతో హౌస్లో హీటెక్కిన నామినేషన్లు.. ముకేష్పై త్రిగుణ్ ఫైర్, ఈ వారం డబుల్ ఎలిమినేషన్?
Satvika Veeravalli | చూపు తిప్పుకోనివ్వని అందం.. ‘ఆకాశంలో ఒక తార’ హీరోయిన్ సాత్విక వీరవల్లి ఫొటోలు
Congress | కాంగ్రెస్ నేతల దౌర్జన్యం.. కోరుట్ల ఎమ్మెల్యే సంజయ్ కల్వకుంట్ల ఇంటిపై దాడికి యత్నం!
Vote for Note | ఓటుకు నోటు కేసు 25కు వాయిదా
డీహెచ్లో ఇద్దరు ఏడీల హల్చల్.. ‘నమస్తే తెలంగాణ’ వరుస కథనాలతో ఉలికిపాటు!
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

