Baahubali: The Epic | ‘బాహుబ‌లి’ రీ రిలీజ్.. ఐమాక్స్ వెర్షన్ ట్రైలర్ విడుదల!

Baahubali: The Epic | దర్శకధీరుడు ఎస్.ఎస్. రాజమౌళి విజువ‌ల వండ‌ర్ బాహుబ‌లి సినిమా మ‌ళ్లీ రీ రిలీజ్ కాబోతున్న విష‌యం తెలిసిందే.

Baahubali: The Epic | దర్శకధీరుడు ఎస్.ఎస్. రాజమౌళి విజువ‌ల వండ‌ర్ బాహుబ‌లి సినిమా మ‌ళ్లీ రీ రిలీజ్ కాబోతున్న విష‌యం తెలిసిందే. ‘బాహుబలి: ది ఎపిక్’ (Baahubali: The Epic) అనే పేరుతో రెండు భాగాల‌ను ఒకే పార్టుగా అక్టోబ‌ర్ 31న‌ రీ రిలీజ్ చేయ‌బోతున్నారు మేక‌ర్స్. అయితే ఈ సినిమా నుంచి తాజాగా మేక‌ర్స్ ఐమాక్స్ వెర్ష‌న్ ట్రైల‌ర్‌ను విడుద‌ల చేశారు.

ఈ సినిమాను కేవలం రీ-రిలీజ్‌గా కాకుండా, సరికొత్త అనుభూతినిచ్చేలా మెరుగైన సాంకేతిక హంగులతో ప్రేక్షకుల ముందుకు తీసుకురాబోతున్నారు. ఈ సినిమాను ఐమాక్స్ (IMAX) తో పాటు, 4DX, డాల్బీ సినిమా వంటి అత్యాధునిక ప్రీమియం ఫార్మాట్‌లలో విడుదల చేయనున్నారు. రీమాస్టర్డ్ పిక్చర్ మరియు సౌండ్ క్వాలిటీతో ఈ చిత్రం ప్రేక్షకులకు గొప్ప అనుభూతిని ఇవ్వబోతుంది. మ‌రోవైపు ఈ సింగిల్ వెర్షన్ సినిమా నిడివి దాదాపు 3 గంటల 44 నిమిషాలుగా ఖరారు చేయ‌గా ఇటీవ‌లే సెన్సార్ కూడా పూర్తి చేసుకుంది. ఇక పదేళ్ల తర్వాత బాహుబలి మాయాజాలాన్ని బిగ్ స్క్రీన్‌పై ఐమాక్స్ వంటి ప్రీమియం ఫార్మాట్‌లలో చూడటానికి ప్రేక్షకులు ఉత్సాహంగా ఎదురుచూస్తున్నారు.