Anne Hathaway | ఆర్‌ఆర్‌ఆర్‌పై హాలీవుడ్‌ నటి ప్రశంసల జల్లు

Anne Hathaway | గ్లోబల్‌ బాక్సాఫీస్‌ వద్ద మరోసారి తెలుగు సినిమా స్థాయిని పెంచిన చిత్రాల్లో టాప్‌లో ఉంటుంది ఆర్‌ఆర్‌ఆర్‌ (RRR). నేటికి ఎవరో ఒక సెలబ్రిటీ ఆర్‌ఆర్‌ఆర్ గురించి మాట్లాడుతున్నారంటే సినిమా క్రేజ్‌ ఎలా ఉందో అర్థం చేసుకోవచ్చు.

Anne Hathaway | గ్లోబల్‌ బాక్సాఫీస్‌ వద్ద మరోసారి తెలుగు సినిమా స్థాయిని పెంచిన చిత్రాల్లో టాప్‌లో ఉంటుంది ఆర్‌ఆర్‌ఆర్‌ (RRR). ఈ మూవీ అనౌన్స్‌మెంట్‌ నుంచి విడుదలయ్యే వరకు ఏదో రకంగా వార్తల్లో నిలిచింది. ఇక విడుదల తర్వాత కూడా నేటికి ఎవరో ఒక సెలబ్రిటీ ఆర్‌ఆర్‌ఆర్ గురించి మాట్లాడుతున్నారంటే సినిమా క్రేజ్‌ ఎలా ఉందో అర్థం చేసుకోవచ్చు. ఈ సినిమాపై ఇప్పటికే వరల్డ్‌వైడ్‌గా చాలా మంది సెలబ్రిటీలతోపాటు రాజకీయ వేత్తలు ప్రశంసల వర్షం కురిపించారు.

తాజాగా ఈ జాబితాలో పాపులర్ హాలీవుడ్ నటి కూడా చేరిపోయింది. ఆస్కార్ విన్నింగ్‌ నటి అన్నే హత్వే (Anne Hathaway) ప్రశంసలు కురిపించింది. ది ఐడియా ఆఫ్‌ యూ ప్రీమియర్ షోలో ఈ భామ మాట్లాడుతూ.. ఆర్‌ఆర్‌ఆర్‌ అందరిలాగే నాకు కూడా నచ్చింది. ఈ మూవీ చాలా అద్భుతం. ఆర్‌ఆర్‌ఆర్‌ టీంతో కలిసి పనిచేయడం ఒక కల అని చెప్పుకొచ్చింది. ఈ కామెంట్స్ ఇప్పుడు నెట్టింట వైరల్ అవుతున్నాయి.

ఆర్‌ఆర్‌ఆర్‌ రాంచరణ్‌, జూనియర్‌ ఎన్టీఆర్‌ లను గ్లోబల్‌ స్టార్లను చేసిందనడంలో ఎలాంటి సందేహం లేదు. ఆర్‌ఆర్‌ఆర్‌ నుంచి నాటు నాటు సాంగ్‌ బెస్ట్ ఒరిజినల్‌ సాంగ్ విభాగంలో అత్యున్నత ఆస్కార్‌ (Oscar 2023) పురస్కారం అందుకుందని తెలిసిందే. ఎపిక్ డ్రామా ప్రాజెక్ట్‌గా తెరకెక్కిన ఆర్‌ఆర్‌ఆర్‌లో రాంచరణ్‌ అల్లూరి సీతారామ‌రాజు పాత్రలో నటించగా.. జూనియర్‌ ఎన్టీఆర్‌ కొమ్రంభీంగా నటించాడు. అలియాభట్‌, అజయ్‌ దేవ్‌గన్‌, శ్రియాశరణ్‌, ఒలివియా మొర్రీస్‌, సముద్రఖని ఇతర కీలక పాత్రలు పోషించారు. డీవీవీ ఎంటర్‌టైన్‌ మెంట్స్‌ బ్యానర్‌పై డీవీవీ దానయ్య తెరకెక్కించారు.