సందీప్‌రెడ్డి సార్‌ మెచ్చుకున్నారు

‘ఇందులో నేను సరదాగా ఉండే తమిళమ్మాయిని. బబ్లీగా కనిపిస్తా. ఇలాంటి పాత్రలో నటించాలనేది నా డ్రీమ్‌. ‘8 వసంతాలు’ తర్వాత చాలా కథలు విన్నాను. అవేవీ నన్ను ఆకట్టుకోలేదు. ఆ టైమ్‌లో ‘రోమాంచకం’ కథ విన్నాను. చాలా హ్యాపీగా అనిపించింది. ఎందుకంటే నేను కోరుకున్న పాత్ర ఇది’ అంటూ అనంతిక సనిల్‌ కుమార్‌ ఆనందం వెలిబుచ్చారు. అగ్ర దర్శకుడు సందీప్‌రెడ్డి వంగా సమర్పణలో సుమంత్‌ప్రభాస్‌కి జోడీగా ఆమె నటించిన యూత్‌ఫుల్‌ ఎంటర్‌టైనర్‌ ‘రోమాంచకం’.

‘ఇందులో నేను సరదాగా ఉండే తమిళమ్మాయిని. బబ్లీగా కనిపిస్తా. ఇలాంటి పాత్రలో నటించాలనేది నా డ్రీమ్‌. ‘8 వసంతాలు’ తర్వాత చాలా కథలు విన్నాను. అవేవీ నన్ను ఆకట్టుకోలేదు. ఆ టైమ్‌లో ‘రోమాంచకం’ కథ విన్నాను. చాలా హ్యాపీగా అనిపించింది. ఎందుకంటే నేను కోరుకున్న పాత్ర ఇది’ అంటూ అనంతిక సనిల్‌ కుమార్‌ ఆనందం వెలిబుచ్చారు. అగ్ర దర్శకుడు సందీప్‌రెడ్డి వంగా సమర్పణలో సుమంత్‌ప్రభాస్‌కి జోడీగా ఆమె నటించిన యూత్‌ఫుల్‌ ఎంటర్‌టైనర్‌ ‘రోమాంచకం’. వేణుగోపాల్‌రెడ్డి దర్శకుడు. ప్రణయ్‌రెడ్డి వంగా నిర్మాత. ఈ నెల 3న సినిమా విడుదల కానున్నది. ఈ సందర్భంగా సోమవారం హైదరాబాద్‌లో విలేకరులతో మాట్లాడారు అనంతిక. ‘యూత్‌కి బాగా రిలేట్‌ అయ్యే సినిమా ఇది.

ఇందులో ప్రేమ మాత్రమే కాదు, వినోదం, ఉత్కంఠ కూడా ఉంటాయి. వీటిలో ఉత్కంఠ నాకు బాగా నచ్చింది. అది కూడా ప్రేమతో కూడిన ఉత్కంఠ అనమాట. యువత జీవితాల్లో జరుగుతున్న కాంటెంపరరీ ఎలిమెంట్స్‌ ఈ సినిమాలో ఉంటాయి. యూత్‌ మాత్రమే కాదు, కుటుంబ సమేతంగా ఈ సినిమా చూడొచ్చు. సుమంత్‌ పాత్ర చాలా ఎనర్జిటిక్‌గా ఉంటుంది. నా పాత్ర ఆయనతో పోటీపడేలా ఉంటుంది. మా మధ్య వచ్చే సన్నివేశాలు నేచురల్‌గా అనిపిస్తాయి. మ్యూజికల్‌ డ్రామాలంటే నాకిష్టం. ఈసినిమా కూడా మ్యూజికల్‌గా బావుంటుంది. దర్శకుడు క్లారిటీతో సినిమా తీశారు’ అని చెప్పారు అనంతిక. ఇంకా చెబుతూ ‘కొన్ని సీన్స్‌ నటించేటప్పుడు ఒక హ్యాపీనెస్‌ ఉంటుంది. అలాంటి సీన్స్‌ ఇందులో చాలా ఉన్నాయి. ‘8 వసంతాలు’ నాయికగా నాకు మంచి పేరు తెచ్చిపెట్టింది. ఈ సినిమాతో నాతోపాటు హీరోకి కూడా మంచి పేరొస్తుంది. సినిమా చూసి సందీప్‌సార్‌ నా నటనను మెచ్చుకున్నారు. ఇక ప్రేక్షకుల స్పందన కోసం ఎదురు చూస్తున్నా’ అంటూ చెప్పుకొచ్చారు అనంతిక సనిల్‌కుమార్‌.