అల్లు అర్జున్- రష్మిక ప్రధాన పాత్రలలో సుకుమార్ తెరకెక్కించిన చిత్రం పుష్ప. నేడు భారీ ఎత్తున విడుదలైన ఈ చిత్రానికి దేవి శ్రీ ప్రసాద్ సంగీతం అందించారు. మూవీ నుండి విడుదలైన ప్రతి సాంగ్ శ్రోతలని ఎంతగానో అలరించింది. సమంత నర్తించిన స్పెషల్ సాంగ్ అందరిని ఆకట్టుకుంది. ‘ఊ అంటావా మావా.. ఊఊ అంటావా మావా.. పాటకి మంచి రెస్పాన్స్ వచ్చింది. ఈ పాటలో సమంత గ్లామర్, చంద్రబోస్ లిరిక్స్ ఒక ఎత్తైతే, గాయని ఇంద్రావతి చౌహాన్ తన మత్తు వాయిస్తో పాటను నెక్స్ట్ లెవల్కు తీసుకెళ్లింది.
సమంత సాంగ్ ఎంత పెద్ద హిట్ అయిందో అంతకన్నా ఎక్కువ విమర్శలు కూడా మూటగట్టుకుంది. ‘మీ మగబుద్ధే వంకరబుద్ధి..’ అంటూ సాగిన ఈ సాంగ్ లిరిక్స్పై అభ్యంతరాలు వ్యక్తమవుతున్నాయి. మగవాళ్లపై తప్పుడు అభిప్రాయం కలిగించేలా ఈ పాట ఉందంటూ ఆంధ్రప్రదేశ్ పురుషుల సంఘం ఫిర్యాదు చేసింది. పుష్ప టీంతో పాటు పాటలో నర్తించిన సమంతపై కూడా పురుషుల సంఘం కేసుపెట్టింది. ఈ పాటకు తమిళంలోనూ వ్యతిరేకత వస్తోంది.
తమిళనాడు పురుషుల సంఘం అభ్యంతరం వ్యక్తం చేసింది. ఈ పాటను తొగించకుంటే పాటకు డ్యాన్స్ చేసిన సమంత, పాట పాడిన ఆండ్రియా, సంగీత దర్శకుడు దేవీశ్రీ ప్రసాద్, గేయ రచయిత వివేకాపై కేసు పెడతామని హెచ్చరించింది. అయితే పాటకు సంబంధించిన కాంట్రవర్సరీపై అల్లు అర్జున్ స్పందించారు. ‘మీ మగబుద్ధే వంకరబుద్ధి..’ అంటూ పాట లిరిక్స్పై వస్తున్న వివాదాలపై మీ స్పందన ఏంటి అని ఓ రిపోర్టర్ బన్నీని ప్రశ్నించగా… ‘లిరిక్స్లో తప్పు లేదు, ఇదే నిజం’ అంటూ సమాధానం చెప్పి అందరిని ఆశ్చర్యపరిచాడు.