Visit:
అక్కినేని అఖిల్ హీరోగా రూపొందుతున్న రూరల్ ఎమోషనల్ యాక్షన్ డ్రామా ‘లెనిన్’ చిత్రాన్ని మే 1న ప్రపంచవ్యాప్తంగా విడుదల చేయాలని నిర్మాతలు అక్కినేని నాగార్జున, సూర్యదేవర నాగవంశీ భావించారు. అయితే.. ఏప్రిల్ 30న రామ్చరణ్ ‘పెద్ది’ సినిమా విడుదల కానుండటంతో ‘లెనిన్’ విడుదలను జూన్ 26కు మేకర్స్ వాయిదా వేశారు. ఈ విషయాన్ని తెలియజేస్తూ శనివారం ఓ ప్రకటన విడుదల చేశారు. ఇరు చిత్రాల నిర్మాతలు పరస్పరం గౌరవించుకుంటూ, థియేటర్ల లభ్యతను కూడా దృష్టిలో పెట్టుకుని ‘లెనిన్’ చిత్రం విడుదలను జూన్ 26కు వాయిదా వేసినట్టు ప్రకటనలో నిర్మాతలు పేర్కొన్నారు. రామ్చరణ్, అఖిల్ అక్కినేని మధ్య ఉన్న ఆత్మీయబంధం కూడా ఈ నిర్ణయానికి కారణమని మేకర్స్ ప్రకటనలో పేర్కొన్నారు. మురళీకిశోర్ అబ్బూరు దర్శకత్వం వహిస్తున్న ఈ చిత్రంలో భాగ్యశ్రీ బోర్సే కథానాయిక. ఈ చిత్రానికి కెమెరా: లియోన్ బ్రిట్టో, సంగీతం: థమన్.ఎస్, సమర్పణ: అన్నపూర్ణ స్టూడియోస్, నిర్మాణం: మనం ఎంటర్ప్రైజెస్ ఎల్ఎల్పి, సితార ఎంటర్టైన్మెంట్స్.
