ZEEL | జీ ఎంట‌ర్‌టైన్‌మెంట్‌కు విలీనం జోష్‌.. భారీగా పెరుగుతున్న షేరు ధ‌ర‌

జీ ఎంట‌ర్‌టైన్‌మెంట్ ఎంట‌ర్‌ప్రైజెస్ ( ZEEL ) షేర్లు వ‌రుస‌గా రెండో రోజు కూడా దూసుకెళ్తున్నాయి. సోనీ నెట్‌వ‌ర్క్‌లో జీ ఎంటర్‌టైన్‌మెంట్ విలీనం కానుండ‌టంతో ఈ సంస్థ షేర్ల‌కు డిమాండ్ ఏర్ప‌డింది.

ముంబై: జీ ఎంట‌ర్‌టైన్‌మెంట్ ఎంట‌ర్‌ప్రైజెస్ ( ZEEL ) షేర్లు వ‌రుస‌గా రెండో రోజు కూడా దూసుకెళ్తున్నాయి. సోనీ నెట్‌వ‌ర్క్‌లో జీ ఎంటర్‌టైన్‌మెంట్ విలీనం కానుండ‌టంతో ఈ సంస్థ షేర్ల‌కు డిమాండ్ ఏర్ప‌డింది. గురువారం ఉద‌యం 11 గంట‌ల త‌ర్వాత బాంబే స్టాక్ ఎక్స్‌చేంజ్‌లో జీ షేరు ధ‌ర రూ.339.70గా ఉంది. అటు ఎన్ఎస్ఈలోనూ షేరు ధ‌ర రూ.339.70గా ఉండ‌టం విశేషం. విలీనం త‌ర్వాత జీలో సోనీ భారీగా పెట్టుబ‌డులు పెట్ట‌నుంది.

దీంతో ఈ వార్త వెలువ‌డిన బుధ‌వార‌మే జీ షేరు ధర ఏకంగా 32 శాతం పెరిగి రూ.337.10కు చేరింది. ఒక ద‌శ‌లో 39 శాతం పెరిగి 52 వారాల గ‌రిష్ఠం రూ.355.40ను తాకింది. అటు ఎన్ఎస్ఈలోనూ బుధ‌వారం జీ షేరు ధ‌ర 30.5 శాతం పెరిగి రూ.333.70కు చేరింది. బీఎస్ఈలో జీ మార్కెట్ విలువ కూడా రూ.7,823 కోట్ల నుంచి రూ.32,378 కోట్ల‌కు చేర‌డం విశేషం.