Zee Vs Invesco | గ‌తంలో ఏం చేశారు.. ఇన్‌వెస్కోపై జీ సీఈవో ఫైర్

Zee Vs Invesco | ఇన్‌వెస్కో గ‌తంలో కార్పొరేట్ గ‌వ‌ర్నెన్స్ గురించి ఎందుకు నోరు మెద‌ప‌లేద‌ని జీ సీఈవో పునీత్ గోయెంకా ప్ర‌శ్నించారు.

Zee Vs Invesco | జీ ఎంట‌ర్‌టైన్‌మెంట్ ఎండీ కం సీఈవో పునీత్ గోయెంకా గురువారం నోరు విప్పారు. జీ ఎంట‌ర్‌టైన్‌మెంట్ బోర్డు గైడెన్స్ మేర‌కు ఇక‌ముందు సంస్థ ప‌రిర‌క్ష‌ణ కోసం అవ‌స‌ర‌మైన చ‌ర్య‌లు తీసుకుంటామ‌ని చెప్పారు. జీ ఎంట‌ర్‌టైన్‌మెంట్ ఎండీగా పునీత్ గోయెంకాను తొల‌గించాల‌ని, మొత్తం బోర్డును పున‌ర్వ్య‌వ‌స్థీక‌రించాల‌ని సంస్థ‌లో అతిపెద్ద వాటాదారు ఇన్‌వెస్కో డిమాండ్ చేస్తున్న నేప‌థ్యంలో పునీత్ గోయెంకా స్పందించ‌డం గ‌మ‌నార్హం.

ఇప్ప‌టికే సోనీలో విలీనానికి జీ ఎంట‌ర్‌టైన్‌మెంట్ ఒప్పందం కుదుర్చుకున్న‌ది. ఈ నేప‌థ్యంలో పునీత్ గోయెంకా తీరుపై ఇన్‌వెస్కో ఆరోప‌ణ‌లు గుప్పిస్తున్న‌ది. ఇంత‌కుముందు సంస్థ‌లో కార్పొరేట్ గ‌వ‌ర్నెన్స్ గురించి ఇన్‌వెస్కో ఎందుకు మాట్లాడ‌లేద‌ని పునీత్ గోయెల్ ప్ర‌శ్నించారు. ఫిబ్ర‌వ‌రి లేదా మార్చిలో రిల‌య‌న్స్‌లో జీ ఎంట‌ర్‌టైన్‌మెంట్ విలీనం ప్ర‌స్తావ‌న ఎందుకు తేలేద‌ని నిల‌దీశారు. ఇన్‌వెస్కో, జీ ఎంట‌ర్‌టైన్‌మెంట్ మ‌ధ్య విభేదాల వ‌ల్లే జీని త‌మ సంస్థ‌లో విలీన చ‌ర్చ‌ల‌పై వెన‌క్కు త‌గ్గామ‌ని రిల‌య‌న్స్ బుధ‌వారం పేర్కొంది.