ముంబై, జూన్ 20: గృహ రుణాల జారీలో దేశంలో ప్రముఖ సంస్థయైన ఎల్ఐసీ హౌజింగ్ ఫైనాన్స్ లిమిటెడ్(ఎల్ఐసీ హెచ్ఎఫ్ఎల్) వడ్డీరేట్లను 60 బేసిస్ పాయింట్లు పెంచింది. సోమవారం నుంచి అమలులోకి వచ్చేలా నూతన ప్రారంభ వడ్డీరేటును 7.50 శాతంగా నిర్ణయించింది. ఈ సందర్భంగా కంపెనీ ఎండీ, సీఈవో వై విశ్వనాథ గౌడ్ మాట్లాడుతూ.. మార్కెట్ పరిస్థితులకు అనుగుణంగా వడ్డీరేట్లను పెంచినట్లు, తక్కువ వడ్డీకే రుణాలు ఇస్తున్నప్పటకీ తీవ్ర ఒత్తిడిని ఎదుర్కొవాల్సి ఉంటుందన్నారు. వడ్డీరేట్లు పెరుగుతున్నప్పటికీ గృహ రుణాలకు డిమాండ్ పడిపోయే అవకాశాలు లేవని ఆయన స్పష్టంచేశారు.