న్యూఢిల్లీ, జనవరి 25: ఇండియన్ బ్యాంక్ లాభాల్లో రెండింతల వృద్ధి నమోదైంది. డిసెంబర్తో ముగిసిన మూడు నెలల కాలానికిగాను బ్యాంక్ రూ.1,396 కోట్ల నికర లాభాన్ని గడించింది. వడ్డీల ఆదాయం పెరగడం, మొండి బకాయిలు తగ్గుముఖం పట్టడంతో లాభంతో పోలిస్తే రెండు రెట్లు పెరిగినట్లు వెల్లడించింది. సమీక్షకాలంలో బ్యాంక్ ఆదాయం రూ.11,482 కోట్ల నుంచి రూ.13,551 కోట్లకు చేరుకున్నది. నికర వడ్డీ ఆదాయం 25 శాతం పెరిగి రూ.5,499 కోట్లకు చేరుకోగా..బ్యాంక్ స్థూల నిరర్థక ఆస్తుల విలువ 9.13 శాతం నుంచి 6.53 శాతానికి తగ్గాయి. నికర ఎన్పీఏలు కూడా 2.72 శాతం నుంచి ఒక్క శాతానికి దిగొచ్చాయి.