Bugatti | 500 కిలోమీట‌ర్ల స్పీడ్‌తో బుగాట్టి హైప‌ర్ స్పోర్ట్స్ కారు : రూ. 36 కోట్లు ప‌లికే బొలైడ్ ప్ర‌త్యేక‌త‌లివే..!

ఫ్రెంచ్ ల‌గ్జ‌రీ స్పోర్ట్స్ కార్ త‌యారీ కంపెనీ బుగాట్టి (Bugatti) త‌న లేటెస్ట్ వెహిక‌ల్ బొలైడ్ డిజైన్ వివ‌రాల‌ను వెల్ల‌డించింది.

పారిస్ : ఫ్రెంచ్ ల‌గ్జ‌రీ స్పోర్ట్స్ కార్ త‌యారీ కంపెనీ బుగాట్టి (Bugatti) త‌న లేటెస్ట్ వెహిక‌ల్ బొలైడ్ డిజైన్ వివ‌రాల‌ను వెల్ల‌డించింది. ఫార్ములా 1 కార్ల‌లో వాడే మెటీరియ‌ల్‌నే ఈ స్ట‌న్నింగ్ రేసింగ్ కార్‌లో వాడ‌తారు. ఈ కారు గంట‌కు గ‌రిష్టంగా 500 కిలోమీట‌ర్ల వేగంతో దూసుకుపోతుంది. ఈ ఏడాది ప్ర‌పంచంలోనే ఫాస్టెస్ట్ కార్‌గా పేరొందిన చిర‌న్ మోడ‌ల్‌కు బొలైడీ ఈవిల్ ట్విన్‌గా చెబుతున్నారు.

ఈ హైప‌ర్ స్పోర్ట్స్ కార్ మ‌ల్టీ డైమెన్ష‌ల్ సెన్సరీ ఎక్స్‌పీరియ‌న్స్ అందిస్తుంద‌ని కంపెనీ పేర్కొంది. 40 ఈ త‌ర‌హా కార్ల‌ను ఒక్కొక్క కారు రూ. 36 కోట్ల‌కు విక్ర‌యించ‌నున్న‌ట్టు కంపెనీ తెలిపింది. 2024లో బొలైడ్ డెలివ‌రీలు ప్రారంభ‌మ‌వుతాయి. ఈ కారు బ‌రువు 1450 కిలోలు కాగా, కాంపోజిట్ కార్బ‌న్ ఫైబ‌ర్ నుంచి దీన్ని త‌యారుచేశారు.

క్వాడ్ర‌పుల్ ట‌ర్బోచార్జ‌డ్ డ‌బ్ల్యూ16 ఇంజ‌న్‌కు ఫిట్ అయ్యేలా కారు బాడీలో ప్ర‌తి ఇంచ్‌ను ప్ర‌త్యేకంగా నిర్మించారు. బొలైడ్ ఇంటీరియ‌ర్‌ను కేవ‌లం ఈ ప్రాజెక్టు కోసమే ప్ర‌త్యేకంగా డిజైన్ చేశారు. ఆప్టిమైజ్డ్ రేసింగ్ సీట్లు, హైటెక్ స్టీరింగ్ వీల్, సేఫ్టీ, క‌మ్‌ఫ‌ర్ట్‌, పెర్ఫామెన్స్ దృష్టిలో ఉంచుకుని దీన్ని క‌స్ట‌మ‌ర్ల ముందుకు తీసుకువ‌స్తున్నామ‌ని బుగాట్టి త‌న వెబ్‌సైట్‌లో పేర్కొంది.

Read More :

Navdeep Saini | భార‌త క్రికెట్‌లో పెండ్లి బాజా.. ప్రేయ‌సిని వివాహం చేసుకున్న సైనీ