Gautam Singhania | ఆ కారు 2.8 సెకన్లలో 100 కిమీ స్పీడ్.. సొంతం చేసుకున్న రేమండ్స్ సీఎండీ..!

Gautam Singhania | రేమండ్స్ గ్రూప్ చైర్మన్ గౌతం సింఘానియా తాజాగా మరో సూపర్ కారు ‘మెక్ లారెన్స్ 750ఎస్’ను సొంతం చేసుకున్నారు.

Gautam Singhania | ప్రముఖ దుస్తుల తయారీ సంస్థ ‘రేమండ్స్’ గ్రూప్ చైర్మన్ అండ్ మేనేజింగ్ డైరెక్టర్ గౌతం సింఘానియా పరిచయం అక్కర్లేని పేరు. ఇప్పటికే పలు ఖరీదైన కార్లను సొంతం చేసుకున్న గౌతం సింఘానియా.. తాజాగా మరో సూపర్ కారును సొంతం చేసుకున్నారు. మెక్ లారెన్ కంపెనీ 750ఎస్ మోడల్ కారును గౌతం సింఘానియా కొనుగలు చేశారు. దీని ధర రూ.5.91 కోట్లు ఉంటుంది. ఇప్పటికే ఆయన గ్యారేజీలో రెండు మెక్ లారెన్ కార్లు (మెక్ లారెన్720ఎస్, మెక్ లారెన్ 570ఎస్) ఉన్నాయని చెబుతున్నారు.

తాజాగా గౌతం సింఘానియా కొనుగోలు చేసిన మెక్ లారెన్ 750ఎస్ కారు ఆరెంజ్ అండ్ బ్లాక్ డ్యుయల్ టోన్ షేడ్‌లో ఉంటుంది. మెక్ లారెన్ 720ఎస్ కంటే మెక్ లారెన్ 750ఎస్ మోడల్ కారు మెరుగా ఉంటుంది. 4.0 లీటర్ల ట్విన్ టర్బో ఇంజిన్‌తో వస్తుందీ కారు. ఈ ఇంజిన్ గరిష్టంగా 750 హెచ్పీ విద్యుత్, 800 ఎన్ఎం టార్క్ వెలువరిస్తుంది. కేవలం 2.8 సెకన్లలోనే 100 కి.మీ వేగాన్ని అందుకోవడం దీని స్పెషాలిటీ. ఇక 4.4 సెకన్లలో 200 కి.మీ వేగంతో దూసుకెళ్తుందీ కారు. 720ఎస్ మోడల్ కారు కంటే 10 శాతం వేగంగా దూసుకెళ్తుంది.