ఐఫోన్‌ యూజర్లకు ఐక్లౌడ్‌ సర్వీస్‌

భారతీ ఎయిర్‌టెల్‌ తమ ఐఫోన్‌ యూజర్లకు ఐక్లౌడ్‌ సర్వీస్‌ను ప్రోత్సాహక ఆఫర్‌ కింద అందించాలని నిర్ణయించింది. అయితే రూ.999, ఆపై పోస్ట్‌-పెయిడ్‌ ప్లాన్ల సబ్‌స్ర్కైబర్లకే ఇది వర్తిస్తుంది. ఈ మేరకు మంగళవారం కంపెనీ ఓ ప్రకటనలో తెలియజేసింది.

• ఎయిర్‌టెల్‌ ప్రోత్సాహక ఆఫర్‌

న్యూఢిల్లీ, సెప్టెంబర్‌ 22 : భారతీ ఎయిర్‌టెల్‌ తమ ఐఫోన్‌ యూజర్లకు ఐక్లౌడ్‌ సర్వీస్‌ను ప్రోత్సాహక ఆఫర్‌ కింద అందించాలని నిర్ణయించింది. అయితే రూ.999, ఆపై పోస్ట్‌-పెయిడ్‌ ప్లాన్ల సబ్‌స్ర్కైబర్లకే ఇది వర్తిస్తుంది. ఈ మేరకు మంగళవారం కంపెనీ ఓ ప్రకటనలో తెలియజేసింది. ఇప్పటికే ఎయిర్‌టెల్‌ తమ పోస్ట్‌-పెయిడ్‌ సబ్‌స్ర్కైబర్లందరికీ గూగుల్‌ వన్‌పై 100జీబీ క్లౌడ్‌ స్టోరేజీని ఆఫర్‌ చేస్తున్న విషయం తెలిసిందే.

ఈ క్రమంలో ఇప్పుడు ఐఫోన్‌ యూజర్లకు అదనంగా 50జీబీ ఐక్లౌడ్‌ ప్లాన్‌ను అందిస్తున్నది. ఐక్లౌడ్‌ప్లస్‌తో కోట్లాది ఎయిర్‌టెల్‌ పోస్ట్‌-పెయిడ్‌ కస్టమర్లకు తమ ఫోటోలు, ఫైల్స్‌, పాస్‌వర్డ్‌లు, కాంటాక్ట్స్‌, ఇతర ముఖ్యమైన సమాచారాన్ని తమ యాపిల్‌ డివైజ్‌లలో స్టోర్‌, సింక్‌, యాక్సెస్‌కు వీలు కలుగనున్నది. యాపిల్‌ టీవీ, యాపిల్‌ ఆర్కేడ్‌ సదుపాయాలూ ఉంటాయని ఈ సందర్భంగా భారతీ ఎయిర్‌టెల్‌ మార్కెట్‌ కార్యకలాపాల డైరెక్టర్‌ అమిత్‌ త్రిపాఠి అన్నారు.