Tirupati | వైభ‌వంగా పద్మావతి అమ్మవారి వసంతోత్సవాలు ప్రారంభం

Tirupati | తిరుచానూరు పద్మావతి అమ్మవారి వార్షిక వసంతోత్సవాలు బుధ‌వారం వైభ‌వంగా ప్రారంభమయ్యాయి.

తిరుపతి : తిరుచానూరు పద్మావతి (Padmavati) అమ్మవారి వార్షిక వసంతోత్సవాలు బుధ‌వారం వైభ‌వంగా ప్రారంభమయ్యాయి. వసంతోత్సవాల్లో ( spring festiva )భాగంగా ఉదయం సుప్రభాతంతో అమ్మవారిని మేల్కొలిపి సహస్రనామార్చన నిర్వహించారు. మధ్యాహ్నం 2 గంటలకు అమ్మవారి ఉత్సవర్లను ఆలయం నుంచి శుక్రవారపు తోటకు ఊరేగింపుగా తీసుకెళ్లి స్నపన తిరుమంజనం(Tirumanjanam) నిర్వహించారు.

పసుపు, కుంకుమ, పాలు, పెరుగు, తేనె, చందనం, కొబ్బరినీళ్లతో అభిషేకం చేశారు. అనంతరం రాత్రి అమ్మవారిని ఆలయ నాలుగు మాడ వీధుల్లో ఊరేగించారు. ఈ సంద‌ర్భంగా అన్నమాచార్య ప్రాజెక్టు(Annamacharya Project)  ఆధ్వర్యంలో ఆధ్యాత్మిక సంగీత కార్యక్రమాలు జరిగాయి. ఈ కార్యక్రమంలో ఆలయ డిప్యూటీ ఈవో గోవింద రాజన్, ఆల‌య అర్చకులు బాబుస్వామి, సూప‌రింటెండెంట్ శేష‌గిరి, భ‌క్తులు పాల్గొన్నారు.