నెల్లూరులో పెన్నా నదికి ప్రహారి గోడ నిర్మాణ పనులు ప్రారంభం
జిల్లాలో పెన్నా నదికి ప్రహారి గోడ నిర్మాణ పనులు ప్రారంభమయ్యాయి. దాదాపు రూ.95 కోట్లతో ఈ ప్రహారి గోడ నిర్మించేందుకు ప్రణాళికలు సిద్ధం చేశారు. ఈ పనులను బుధవారం ఏపీ మంత్రి అంబటి రాంబాబు...
నెల్లూరు: జిల్లాలో పెన్నా నదికి ప్రహారి గోడ నిర్మాణ పనులు ప్రారంభమయ్యాయి. దాదాపు రూ.95 కోట్లతో ఈ ప్రహారి గోడ నిర్మించేందుకు ప్రణాళికలు సిద్ధం చేశారు. ఈ పనులను బుధవారం ఏపీ జలవనరుల శాఖ మంత్రి అంబటి రాంబాబు భగత్సింగ్ కాలనీలో ప్రారంభించారు. ఈ రిటైనింగ్ వాల్ నిర్మాణం పూర్తయితే భవిష్యత్లో పెన్నా నదికి సమీపంలోని వెంకటేశ్వరపురం, భగత్సింగ్ కాలనీ, తదితర ప్రాంతాలకు వరద ముప్పు నుంచి విముక్తి కలుగుతుందని మంత్రి అంబటి రాంబాబు చెప్పారు. యుద్ధప్రాతిపదికన పనులు చేపట్టి ఏడాదిలోగా పూర్తి చేస్తామని మంత్రి తెలిపారు.
గతేడాది నవంబర్లో వరదలు వచ్చినప్పుడు నెల్లూరు నగరంలోని పెన్నా నదికి ఆనుకుని ఉన్న భగత్సింగ్ కాలనీ, వెంకటేశ్వరపురం తదితర కాలనీలు ముంపునకు గురైన విషయాన్ని మంత్రి గుర్తు చేశారు. ఒకసారి రిటైనింగ్వాల్ నిర్మాణం పనులు పూర్తయితే ఇలాంటి పరిస్థితులు పునరావృతం కావన్నారు. ఈ కాంక్రీట్ గోడ కట్టిన తర్వాతే తమ పార్టీ నేతలు ఆయా ప్రాంతాల్లో పర్యటించి ఓట్లు అడుగుతారని చెప్పారు. సంగం, నెల్లూరు నగరం వద్ద పెన్నా నదిపై బ్యారేజీ పనులు తుదిదశకు చేరుకున్నాయని, వాటిని త్వరలో సీఎం చేతుల మీదుగా ప్రారంభించేందుకు ఏర్పాట్లు చేస్తున్నామని తెలిపారు.
నగరం సమీపంలో పెన్నా నదిపై త్వరలో మరో వంతెన రాబోతున్నదని మాజీ మంత్రి, నగర శాసనసభ్యులు పీ అనిల్కుమార్ యాదవ్ చెప్పారు. భగత్ సింగ్ కాలనీ, వెంకటేశ్వరపురం ప్రాంతాల అవసరాలను తీర్చేందుకు రూ.8 కోట్ల అంచనా వ్యయంతో నీటి శుద్ధి ప్లాంట్ను ఏర్పాటు చేయాలని ప్రభుత్వం యోచిస్తున్నదని ఆయన తెలిపారు. ఈ కార్యక్రమంలో కలెక్టర్ కేవీఎన్ చక్రధర్బాబు, తెలుగు గంగ ప్రాజెక్టు చీఫ్ ఇంజినీర్ హరినారాయణరెడ్డి, ఆర్డీఓ పీ కొండయ్య, డిప్యూటీ మేయర్ ఖలీల్ అహ్మద్ తదితరులు పాల్గొన్నారు.
Read Today's Latest Andhrapradesh-news News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

