ఆరుట్లలో అల్పాహారం ప్రారంభం

రంగారెడ్డి జిల్లా మంచాల మండలం ఆరుట్లలోని తెలంగాణ పబ్లిక్‌ స్కూల్‌లో విద్యార్థులకు ఆల్పాహారం మళ్లీ ప్రారంభమైంది.

మంచాల, నవంబర్‌ 13 : రంగారెడ్డి జిల్లా మంచాల మండలం ఆరుట్లలోని తెలంగాణ పబ్లిక్‌ స్కూల్‌లో విద్యార్థులకు ఆల్పాహారం మళ్లీ ప్రారంభమైంది. నెల రోజులుగా అల్పాహారం అందించడంలేదంటూ విద్యార్థులు తమ గోడును నమస్తే తెలంగాణకు చెప్పుకోవడంతో శుక్రవారం నమస్తే తెలంగాణలో వచ్చిన కథనానికి స్పందించి రంగారెడ్డి కలెక్టర్‌ నారాయణరెడ్డి వెంటనే స్పందించి అధికారులకు ఆదేశాల జారీచేశారు.

దీంతో అధికారులు తిరిగి పాఠశాలో విద్యార్థులకు అల్పాహారాన్ని అందజేశారు. నమస్తే తెలంగాణ చొరవతోనే సమస్య పరిష్కారమైందని విద్యార్థుల తల్లిదండ్రులు ప్రత్యేక ధన్యవాదాలు తెలిపారు.