శుభవాస్తు
ఒక అంతస్తులో ఉండి పైన సగం మాత్రమే కలుపుకోవడం మంచిదికాదు. డూప్లెక్స్ ఇల్లు అంటేనే రెండు ఫ్లోర్లు. కింద ఎంతవరకు ఇల్లు ఉంటుందో.. పైనకూడా అంతే వైశాల్యంగా ఇల్లు ఉండాలి. మీ ఉద్దేశం టెర్రస్ను సగం మాత్రమే వాడుకొని, మిగతా సగభాగం పైన ‘ఓపెన్ టు స్కై’ చేద్దామని. తద్వారా ఇంటి లోపలి ఆవరణంలో వ్యత్యాసం వస్తుంది.
ఒక ఫ్లోర్ను పూర్తిగా ఇల్లు చేసుకొని, పైన సగం ఫ్లోర్ను డూప్లెక్స్గా మార్చి, లోపలి నుంచి వాడుకోవచ్చా?
– బి. ఈశ్వర్, కోరుట్ల
ఒక అంతస్తులో ఉండి పైన సగం మాత్రమే కలుపుకోవడం మంచిదికాదు. డూప్లెక్స్ ఇల్లు అంటేనే రెండు ఫ్లోర్లు. కింద ఎంతవరకు ఇల్లు ఉంటుందో.. పైనకూడా అంతే వైశాల్యంగా ఇల్లు ఉండాలి. మీ ఉద్దేశం టెర్రస్ను సగం మాత్రమే వాడుకొని, మిగతా సగభాగం పైన ‘ఓపెన్ టు స్కై’ చేద్దామని. తద్వారా ఇంటి లోపలి ఆవరణంలో వ్యత్యాసం వస్తుంది. పైనకూడా అవసరం కోసం వాడాలి అనుకున్నప్పుడు.. డూప్లెక్స్ ఆలోచన వద్దు. గ్రౌండ్ నుంచి మొదటి అంతస్తును కలిపి రెండూ ఒకే వైశాల్యంతో డూప్లెక్స్ చేయండి. లేదా ఫస్ట్ఫ్లోర్ పూర్తిగా వాడి, బయటి నుంచి మెట్లు పెట్టుకొని టెర్రస్ మీద సగం వాడుకోండి. అంటే.. లోపలి నుంచి కాకుండా బయటి నుంచే వాడుకోవాలి. విరుద్ధ ఆవరణం చేయడం వల్ల ప్రధానంగా ఆర్థిక, అనారోగ్య సమస్యలు వస్తాయి.
బెడ్రూమ్ కంటే.. బాత్రూమ్ ఫ్లోరింగ్ కిందికి ఉండొచ్చా?
– ఎస్. రాజమణి, అనంతారం
ఇంటిలోని ఫ్లోరింగ్ లెవల్ అంతటా ఒకే విధంగా వచ్చేలా చూసుకోవాలి. ముఖ్యంగా టాయిలెట్ ఏరియాల్లో ‘సంకెన్’ స్లాబ్ (కిందికి) వేస్తున్నారు. అలా వేసుకుంటే ఇబ్బంది లేదు. అదికూడా లీకేజ్ లేకుండా చూసుకోవాలి. కొన్నిసార్లు ఆలోచన మారి టాయిలెట్ స్థానాన్ని మారుస్తారు. కాబట్టి, ఆ టాయిలెట్ స్థానంలో పైపుల కోసం ఎత్తు చేయాల్సి వస్తుంది. అవసరమైనంత ఎత్తు చేసుకున్నా ఫర్వాలేదు. మరీ ఎత్తు పనికిరాదు. అయితే, బెడ్రూమ్ కన్నా కిందికి చేయకుండా జాగ్రత్త పడాలి. గది ఫ్లోరింగ్, టాయిలెట్ ఫ్లోరింగ్ ఒకే లెవల్లో వచ్చినప్పుడు టాయిలెట్ నీరు గదిలోకి రాకుండా.. సిమెంట్ గడప కూడా పెట్టుకోవచ్చు. అలాగే, కుండీ భాగం కూడా సపరేట్గా ఎత్తు చేసుకోవచ్చు. దోషం కాదు.

Toilet
పడమర, ఉత్తరం రోడ్డు ఉన్న షాపులో ఎటువైపు కూర్చోవాలి?
– పి. రమేశ్, మెట్పల్లి
మీ షాపు వాయవ్యం బ్లాకులో ఉంది. మంచిదే! మీరు పడమర-ఉత్తరం ఉన్న షట్టర్లను వాడుకోవచ్చు. ఉత్తరం ప్రధానంగా షాపు చేసినట్లయితే.. ఉత్తర-వాయవ్యంలో తూర్పు ముఖంగా బల్ల (టేబుల్) వేసుకొని కూర్చోండి. రెండు రోడ్లు వాడాలి, రెండు వైపులా ఓపెన్గా మనుషులు నడిచేలా ఉండాలి అంటే.. మీ స్థానం నైరుతిలో ఏర్పాటు చేసుకోండి. ఆచోట ఉత్తరం ముఖంగా ఉండేలా కూర్చోండి. షాపునకు ఉత్తర-ఈశాన్యంలో ద్వారం.. పశ్చిమ-వాయవ్యంలో ఒక ద్వారం పెట్టుకోండి. ద్వారాలు పెట్టుకోగా మిగిలిన భాగం.. గ్లాస్తో మూసేయండి. సామగ్రి అంతాకూడా దక్షిణం-పడమర వైపు అమర్చుకోండి. మీరు కూర్చున్న చోట కుడివైపు ‘లాకర్ (గల్లాపెట్టె) పెట్టుకోండి. గోడలకు అన్నివైపులా షెల్ఫులు వేసుకోవచ్చు. దోషం ఉండదు.

Office
మాకు ఉన్న ఉత్తరం రోడ్డు స్థలానికి ఉత్తరం మూలనుంచి రోడ్డు వస్తున్నది. అందులో మూడు ఇండ్లు ఎలా కట్టాలి?
– వి. శ్రీరామ్, జీడికల్
పెద్ద స్థలంలో ఇండ్లు ఎన్ని వస్తే అన్ని కట్టొచ్చు. కానీ, అన్నిటికీ భౌతిక హద్దులు పాటించాలి. మీ స్థలానికి ఉత్తర-ఈశాన్యం వీధి చూపు వస్తున్నది అంటున్నారు. ముందుగా.. ఆ వీధి వెడల్పు ఎంత అనేది కొలిచి, మార్కింగ్ చేసి పెట్టాలి. మీరు ముగ్గురు అన్నదమ్ములు ఆ స్థలాన్ని మూడు భాగాలుగా విభజించాలి. అప్పుడు ఆ వీధిపడే భాగానికి ఎదురుగా వస్తున్న ఆ రోడ్డు ‘వీధిచూపు’ అవుతుందా? ‘వీధిపోటు’ అవుతుందా? అనేది నిర్ధారించాలి. ఆ రోడ్డు వీధిపోటుగా మారితే.. అప్పుడు ఆ స్థలంలో మూడు భాగాలు చేయడం కుదరదు. రెండు భాగాలు మాత్రమే చేయాలి. అది సరిచూసుకోండి. మీరు అన్నదమ్ములు పైభాగం నుంచి అంటే.. పడమర నుంచి వరుసగా పెద్దవారు తీసుకొని, తూర్పు భాగం చిన్నవారు ఉండాలి. వీధిచూపు అయినా.. విభజించినప్పుడు దాని స్వరూపం మారుతుంది. కాబట్టి, సరిగ్గా చూపించి, సలహాలు-సంప్రదింపులు చేసి.. మంచి ఇండ్లు కట్టుకోండి.
సుద్దాల సుధాకర్ తేజ
suddalavasthu@gmail.com
Cell: 98492 78143
Read Today's Latest Sunday News in Telugu and Telugu News
RELATED ARTICLES
తాజా వార్తలు
Tamil Cinema | ఇది తమిళ నామ సంవత్సరం.. ఇండియన్ బాక్సాఫీస్ను ఊపేస్తున్న కోలీవుడ్!
YS Jagan | ఇంజినీరింగ్ విద్యార్థి ఆత్మహత్యాయత్నానికి చంద్రబాబు, లోకేష్ కారణం : వైఎస్ జగన్ మోహన్రెడ్డి
KTR | కాంగ్రెస్ ‘అభయహస్తం’ హామీలన్నీ ఏమయ్యాయి?.. రాహుల్ గాంధీకి కేటీఆర్ సూటి ప్రశ్నలు!
NZvIND: టెస్టు బృందంలోకి గుర్నూర్ బ్రార్.. స్వదేశానికి కుల్దీప్ యాదవ్
KTR | బ్రహ్మోత్సవాలకు కేటీఆర్కు ఆహ్వానం.. ఆహ్వాన పత్రిక అందజేసిన ఆలయ కమిటీ సభ్యులు
ట్రెండింగ్ వార్తలు
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!
Watch: బైకర్పై ఏనుగు దాడి.. అతడ్ని పలుమార్లు తొక్కిన వీడియో వైరల్
Watch: దంపతులు టీవీ చూస్తుండగా ఇంట్లోకి ప్రవేశించిన చిరుత.. తర్వాత ఏం జరిగిందంటే?
Viral News | ఎన్క్లోజర్ నుంచి సొరంగం తవ్వి తప్పించుకున్న పెద్దపులి.. తర్వాత ఏమైందంటే..!

