IND vs ENG 4th Test | నీకు నువ్వే తోపువి.. నువ్వు కాకుంటే ఇంకెవరూ కొట్టలేరు.. గిల్కు హెడ్కోచ్ మోటివేషన్
IND vs ENG 4th Test | రోహిత్ శర్మ, యశస్వీ జైస్వాల్, రవీంద్ర జడేజా, సర్ఫరాజ్ ఖాన్లు ఔట్ అయినా రెండు టెస్టుల అనుభవం కూడా లేని యువ వికెట్ కీపర్ బ్యాటర్ ధ్రువ్ జురెల్తో కలిసి శుభ్మన్ గిల్ రాంచీ టెస్టులో కీలక ఇన్నింగ్స్ ఆడాడు.
IND vs ENG 4th Test | ఇంగ్లండ్తో రాంచీ టెస్టులో భాగంగా ఆ జట్టు నిర్దేశించిన 192 పరుగుల లక్ష్యాన్ని భారత్ 61 ఓవర్లలో ఐదు వికెట్లు కోల్పోయి ఛేదించింది. స్పిన్ను బాగా ఆడగలిగే రోహిత్ శర్మ, యశస్వీ జైస్వాల్, రవీంద్ర జడేజా, సర్ఫరాజ్ ఖాన్లు ఔట్ అయినా రెండు టెస్టుల అనుభవం కూడా లేని యువ వికెట్ కీపర్ బ్యాటర్ ధ్రువ్ జురెల్తో కలిసి శుభ్మన్ గిల్ కీలక ఇన్నింగ్స్ ఆడాడు. రెండో ఇన్నింగ్స్లో 124 బంతులాడి 52 పరుగులు చేసిన గిల్.. నాలుగో రోజు బ్యాటింగ్కు రావడానికి ముందు టీమిండియా హెడ్కోచ్ రాహుల్ ద్రావిడ్ తనలో స్ఫూర్తి నింపాడని చెప్పుకొచ్చాడు. అవే తనకు ఓ టానిక్లా పనిచేశాయని వెల్లడించాడు.
నాలుగో టెస్టులో గెలిచిన తర్వాత గిల్ ఇన్స్టా వేదికగా పోస్ట్ పెడుతూ.. ‘నీవు కాకుంటే ఇంకెవరు..? ఇప్పుడు కాకుంటే ఇంకెప్పుడు..? – రాహుల్ ద్రావిడ్’ అని క్యాప్షన్ ఇచ్చాడు. మ్యాచ్ ముగిశాక గిల్ మాట్లాడుతూ ఇవే వ్యాఖ్యలు చేశాడు. ద్రావిడ్ ఇచ్చిన మోటివేషన్తో తాను క్రీజులో పట్టుదలగా ఆడానని, అది తనకు ఓ టానిక్లా పనిచేసిందని తెలిపాడు.
ఇదిలాఉండగా.. ఇంగ్లండ్తో టెస్టు సిరీస్కు ముందు ఈ ఫార్మాట్లో గిల్ ఫామ్ ఏమంత గొప్పగా లేదు. కనీసం అర్థ సెంచరీ చేయడానికి అతడు నానా తంటాలు పడ్డాడు. హైదరాబాద్ టెస్టులో రెండు ఇన్నింగ్స్లలోనూ విఫలమయ్యాడు. దీంతో వైజాగ్ టెస్టుకు ముందు ద్రావిడ్.. గిల్పై స్పెషల్ ఫోకస్ పెట్టాడు. అతడు మళ్లీ పూర్వపు ఫామ్ అందుకునే విధంగా మోటివేట్ చేశాడు. ఈ టెస్టులో ఆడకుంటే టీమ్ లో ప్లేస్ కూడా పోయే ప్రమాదం ఉందని హెచ్చరించాడు. దీంతో గిల్ మేల్కున్నాడు. వైజాగ్ టెస్టు రెండో ఇన్నింగ్స్లో సెంచరీ చేసిన గిల్.. రాజ్కోట్ టెస్టులో 91 పరుగులు చేశాడు. తాజాగా కీలకమైన రాంచీ టెస్టులోనూ ఛేదనలో 52 పరుగులతో నాటౌట్గా నిలిచి భారత విజయంలో కీలకపాత్ర పోషించాడు.
Read Today's Latest Sports News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

