Visit:
సిడ్నీ : మద్యం తాగి వాహనం నడిపిన కేసులో ఆస్ట్రేలియా మాజీ క్రికెటర్ డేవిడ్ వార్నర్ తన నేరాన్ని అంగీకరించాడు. ఈ ఏడాది ఏప్రిల్లో ఈస్టర్ సండే సందర్భంగా కారు నడుపుతున్న వార్నర్కు బ్రీత్ అనలైజర్ టెస్టు చేయగా అందులో అతడు పరిమితికి మించి మద్యం తాగినట్టు తేలింది.
దీనిపై సిడ్నీలోని స్థానిక కోర్టు విచారణ చేపట్టగా వార్నర్ తరఫున అతడి న్యాయవాది హాజరై.. ఆసీస్ మాజీ ఆటగాడు నేరాన్ని ఓప్పుకున్నట్టు న్యాయస్థానానికి తెలిపారు. వాదనలు విని వార్నర్ను దోషిగా తేల్చిన కోర్టు.. ఈనెల 18న తుదితీర్పును వెల్లడించనుంది. స్థానిక చట్టాల ప్రకారం వార్నర్కు డ్రైవింగ్ చేయకుండా ఆరునెలల పాటు అనర్హత విధించడం లేదా తొమ్మిది నెలల జైలు శిక్ష పడే అవకాశముంది.
