తునీషా కేసు.. షీజాన్‌ ఖాన్‌ బెయిల్‌ పిటిషన్‌ తిరస్కరణ..

tunisha sharma | సీరియల్‌ నటి తునీషా శర్మ కేసులో సహనటుడు షీజన్‌ ఖాన్‌కు కష్టాలు కొనసాగుతున్నాయి. డిసెంబర్‌ 24న ‘అలీబాబా : దస్తాన్‌ ఏ కాబుల్‌’ సెట్‌లో తునీషా శవమై కనిపించింది. ఆమె తల్లి వనితా శర్మ ఫిర్యాదు మేరకు ఆత్మహత్యకు ప్రేరేపించారనే ఆరోపణల మేరకు అదే రోజున పోలీసులు తునీషా మాజీ ప్రియుడు షీజన్ ఖాన్‌ను

tunisha sharma case | సీరియల్‌ నటి తునీషా శర్మ కేసులో సహనటుడు షీజన్‌ ఖాన్‌కు కష్టాలు కొనసాగుతున్నాయి. డిసెంబర్‌ 24న ‘అలీబాబా : దస్తాన్‌ ఏ కాబుల్‌’ సెట్‌లో తునీషా శవమై కనిపించింది. ఆమె తల్లి వనితా శర్మ ఫిర్యాదు మేరకు ఆత్మహత్యకు ప్రేరేపించారనే ఆరోపణల మేరకు అదే రోజున పోలీసులు తునీషా మాజీ ప్రియుడు షీజన్ ఖాన్‌ను అదుపులోకి తీసుకున్నారు. ఈ కేసులో కోర్టులో షీజన్‌ బెయిల్‌ పిటిషన్‌ను శుక్రవారం కోర్టు కొట్టివేసింది. ఇంతకు ముందు సైతం కోర్టు బెయిల్‌ను తిరస్కరించింది.

ఈ కేసు విచారణ సందర్భంగా తునీషా తల్లి వనితా శర్మ వాంగ్మూలాన్ని, ఎఫ్‌ఐఆర్ కాపీని షీజన్ తరపు న్యాయవాది శైలేంద్ర మిశ్రా శుక్రవారం కోర్టుకు చదివి వినిపించారు. తునీషాకు తరచూ ఆందోళనలు ఉండేవని న్యాయవాది కోర్టుకు తెలిపారు. ఈ కేసులో సీపీఐ సెక్షన్ 306ని ఉపయోగించలేమని, ఎందుకంటే షీజన్ మృతురాలిని ఏ విధంగానూ ప్రేరేపించలేదని లేదా ఆత్మహత్య చేసుకునేలా పరిస్థితులు సృష్టించలేదని కోర్టుకు తెలిపారు. షీజన్, తునీషాల బ్రేకప్ డిసెంబర్ 15న జరిగిందని, ఆ తర్వాత ఇద్దరి జీవితం మామూలుగానే సాగిందన్నారు. 15 -24 మధ్య ఇద్దరి మధ్య సాధారణ ప్రవర్తన ఉందని, ఈ సమయంలో సెట్లో అసాధారణంగా ఏమీ జరుగలేదని పేర్కొన్నారు.