Re Releases | రీ-రిలీజ్లకు తగ్గిన క్రేజ్?.. ‘ఊసరవెల్లి’, ‘అతిథి’, ‘1 నేనొక్కడినే’కు ఆశించిన స్పందన కరువు!
Re Releases | తెలుగు సినిమా పరిశ్రమలో గత కొన్నేళ్లుగా రీ-రిలీజ్ల ట్రెండ్ అభిమానుల్లో కొత్త ఉత్సాహాన్ని తీసుకొచ్చింది. పాత క్లాసిక్ చిత్రాలను మళ్లీ థియేటర్లలో చూసేందుకు ప్రేక్షకులు ఆసక్తి చూపడంతో ఈ ట్రెండ్ బాక్సాఫీస్ వద్ద కూడా మంచి ఫలితాలను అందుకుంది. ముఖ్యంగా సూపర్ స్టార్ మహేష్ బాబు అభిమానులు ప్రారంభించిన ఈ సంస్కృతి తర్వాత ఇతర స్టార్ హీరోల అభిమానులు కూడా తమ అభిమాన హీరోల సినిమాలను రీ-రిలీజ్ చేస్తూ విజయవంతం చేశారు.
Re Releases | తెలుగు సినిమా పరిశ్రమలో గత కొన్నేళ్లుగా రీ-రిలీజ్ల ట్రెండ్ అభిమానుల్లో కొత్త ఉత్సాహాన్ని తీసుకొచ్చింది. పాత క్లాసిక్ చిత్రాలను మళ్లీ థియేటర్లలో చూసేందుకు ప్రేక్షకులు ఆసక్తి చూపడంతో ఈ ట్రెండ్ బాక్సాఫీస్ వద్ద కూడా మంచి ఫలితాలను అందుకుంది. ముఖ్యంగా సూపర్ స్టార్ మహేష్ బాబు అభిమానులు ప్రారంభించిన ఈ సంస్కృతి తర్వాత ఇతర స్టార్ హీరోల అభిమానులు కూడా తమ అభిమాన హీరోల సినిమాలను రీ-రిలీజ్ చేస్తూ విజయవంతం చేశారు.అయితే ఇటీవల పరిస్థితి కొంత భిన్నంగా కనిపిస్తోంది. గతంలో రీ-రిలీజ్ అయిన కొన్ని చిత్రాలు ఎలాంటి పెద్ద ప్రచారం లేకుండానే భారీ ఓపెనింగ్స్ సాధించగా, ఇప్పుడు భారీ స్థాయిలో ప్లానింగ్ చేసిన కొన్ని సినిమాలు మాత్రం ఆశించిన స్థాయిలో ప్రేక్షకులను థియేటర్లకు రప్పించలేకపోతున్నాయి.
ఈ జాబితాలో ముఖ్యంగా నిలిచిన చిత్రం జూనియర్ ఎన్టీఆర్ నటించిన ‘ఊసరవెల్లి’. ఎన్టీఆర్ పుట్టినరోజు సందర్భంగా ఎంతో ముందుగానే ప్రకటించి, ప్రత్యేక షోలు, ప్రచార కార్యక్రమాలతో విడుదల చేసినప్పటికీ ఈ సినిమాకు వచ్చిన స్పందన అభిమానులను కూడా ఆశ్చర్యానికి గురి చేసింది. బాక్సాఫీస్ వద్ద ఎంత వసూళ్లు సాధించిందనే అంశం కూడా పెద్దగా చర్చకు రాకపోవడం గమనార్హం. అలాగే మహేష్ బాబు నటించిన ‘అతిథి’ రీ-రిలీజ్ కూడా అభిమానుల అంచనాలను అందుకోలేకపోయింది. సినిమాను కొత్త హంగులతో, ప్రత్యేక ప్రణాళికలతో ప్రేక్షకుల ముందుకు తీసుకొచ్చినా బుకింగ్స్ పరంగా ఆశించిన ఊపు కనిపించలేదు. కొన్ని సింగిల్ స్క్రీన్ థియేటర్లలో మాత్రమే పరిమిత స్పందన లభించగా, గతంలో వచ్చిన రీ-రిలీజ్ చిత్రాల మాదిరిగా భారీ హడావిడి కనిపించలేదు.
ఇంకా ఆసక్తికరమైన విషయం ఏమిటంటే ‘ఊసరవెల్లి’, ‘అతిథి’ చిత్రాలకు దర్శకుడు ఒకరే కావడం. దర్శకుడు సురేందర్ రెడ్డి తెరకెక్కించిన ఈ రెండు సినిమాలు రీ-రిలీజ్ సమయంలో కూడా పెద్ద ప్రభావం చూపలేకపోవడం సినీ వర్గాల్లో చర్చకు దారి తీసింది. ఇదే తరహాలో మహేష్ బాబు కెరీర్లో ప్రత్యేక గుర్తింపు పొందిన ‘1 నేనొక్కడినే’ పరిస్థితి కూడా పెద్దగా భిన్నంగా కనిపించలేదు. విడుదలకు ముందు సోషల్ మీడియాలో మంచి చర్చ జరిగినప్పటికీ, బుకింగ్ ట్రెండ్ మాత్రం ఆశించిన స్థాయిలో లేకపోవడం అభిమానులను నిరాశపరిచింది.ఈ పరిస్థితికి అసలు కారణం ఏమిటనే అంశంపై భిన్నాభిప్రాయాలు వ్యక్తమవుతున్నాయి. వరుసగా రీ-రిలీజ్లు రావడం వల్ల ప్రేక్షకుల్లో కొత్తదనం తగ్గిందా? లేక ఈ చిత్రాల పట్ల అభిమానుల్లో మొదటి నుంచే అంత ఉత్సాహం లేదా? అనే ప్రశ్నలు వినిపిస్తున్నాయి. మరికొందరు అయితే తక్కువ వ్యవధిలో వరుస రీ-రిలీజ్లు రావడం వల్లే ప్రభావం తగ్గిందని అభిప్రాయపడుతున్నారు.
Read Today's Latest News News in Telugu and Telugu News
- Tags
- audience
- Mahesh babu
- NTR
- re-release
RELATED ARTICLES
తాజా వార్తలు
యాసిన్ సాహసం స్ఫూర్తిదాయకం : ఈఎంసీ చైర్పర్సన్ పి.అనిత
AP News | ఇకపై అయ్యో పాపం అనేది లేదు.. చుక్కలు చూపిస్తాం.. ఏపీ సర్కారు తీరుపై బొత్స సత్యనారాయణ ఫైర్
ఎంజీయూలో దక్షిణ భారత చరిత్ర కాంగ్రెస్.. కొనసాగుతున్న విస్తృత చర్చలు
Sajjala Ramakrishna Reddy | పంచాయతీల్లోనూ గట్టి పోటీ ఇవ్వాలి.. శ్రేణులకు వైసీపీ కో ఆర్డినేటర్ సజ్జల పిలుపు
Food Poisoning | ఫుడ్ పాయిజనింగ్ అయినప్పుడు ఎలాంటి లక్షణాలు కనిపిస్తాయి.. ఏం జాగ్రత్తలు పాటించాలి..?
ట్రెండింగ్ వార్తలు
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!
Watch: బైకర్పై ఏనుగు దాడి.. అతడ్ని పలుమార్లు తొక్కిన వీడియో వైరల్

