వానల్లో కురులు జాగ్రత్త

వానాకాలం వచ్చిందంటే కేశ సౌందర్యానికి ప్రమాదం వచ్చినట్టే. ఈ కాలంలో మునుపటిలా జుట్టును అందంగా విరబోసుకోవడం కొంచెం కష్టం. దుమ్ము, కాలుష్యం, తేమ నుంచి జుట్టుని కాపాడుకోవడానికి ఎక్కువగా శ్రమించాల్సి వస్తుంది. చాలామంది ఏమవుతుందిలే అనుకుంటారు.

వానాకాలం వచ్చిందంటే కేశ సౌందర్యానికి ప్రమాదం వచ్చినట్టే. ఈ కాలంలో మునుపటిలా జుట్టును అందంగా విరబోసుకోవడం కొంచెం కష్టం. దుమ్ము, కాలుష్యం, తేమ నుంచి జుట్టుని కాపాడుకోవడానికి ఎక్కువగా శ్రమించాల్సి వస్తుంది. చాలామంది ఏమవుతుందిలే అనుకుంటారు. కానీ, జుట్టు రాలడం, చిట్లడం వంటి సమస్యలు తలెత్తితే అయ్యో అంటూ బాధపడతారు. కాబట్టి వానాకాలంలో జుట్టుని నిర్లక్ష్యం చేయొద్దు. చల్లని గాలిలో తిరిగినప్పుడు, చిరు జల్లుల్లో తడిసినప్పుడు జుట్టుని ఎప్పటికప్పుడు ఆరబెట్టుకోవాలి. అలా చేయడం సాధ్యం కానప్పుడు నెత్తి తడవకుండా జాగ్రత్తపడాలి. అయినా, తల తడిస్తే మాడు పొడిగా అయ్యేలా టవల్‌తో తుడిచి, దువ్వెనతో ఆరబెట్టుకునేందుకు ప్రయత్నం చేయాలి. అంతేకాని హెయిర్‌డ్రైలతో ఎక్కువ వేడిని మాడుపై ప్రయోగిస్తే ఫలితాలు ప్రతికూలంగా ఉంటాయి.

వారానికో, పది రోజులకో గోరువెచ్చని నూనె లేదా సీరమ్‌తో తలకు మసాజ్‌ చేయించుకోండి. ఇలా చేయడం వల్ల స్వేద రంధ్రాలు మూసుకుపోవు. అలాగే చలికి భయపడి, జుట్టు తడిస్తే ఆరదేమోననే భయంతో తలస్నానం చేయడం తగ్గించకండి. ఇలా చేస్తే తలలో చేరిన దుమ్ము… చర్మ రంధ్రాలను మూసేస్తుంది. ఫంగస్‌, ఇతర సూక్ష్మ జీవులకు ఆశ్రయమిస్తుంది. వానలో ప్రయాణాలు వాయిదా వేయలేం. కాబట్టి ఎటు పోయినా తడవకుండా ఉండేందుకు గొడుగు దగ్గర పెట్టుకోవాలి. బ్యాగులో తేమను ఎక్కువగా పీల్చుకొనే టవల్‌ ఉంచుకుంటే, జల్లుకు తడిసినా తుడుచుకుని ఆరబెట్టుకోవచ్చు. పళ్లు దూరదూరంగా ఉండే పెద్ద దువ్వెన కూడా బ్యాగులో ఉంచుకుంటే తడిసిన జుట్టుని ఆరబెట్టుకునేందుకు ఉపయోగపడుతుంది.