వకీల్ సాబ్ చిత్రంతో సెకండ్ ఇన్నింగ్స్ మొదలు పెట్టిన పవన్ కళ్యాణ్ ప్రస్తుతం పలు సినిమాలతో బిజీగా ఉన్నాడు. క్రిష్ దర్శకత్వంలో హరి హర వీరమల్లు అనే చిత్రం చేస్తుండగా, ఈ సినిమాకు సంబంధించి ఇటీవల ఫస్ట్ లుక్ విడుదల చేశారు మేకర్స్. ఇందులో పవన్ కళ్యాణ్ లుక్ ఫ్యాన్స్ అంచనాలను అమాంతం పెంచేసింది. తొలిసారి పవన్ పీరియాడికల్ మూవీ చేస్తున్న నేపథ్యంలో అందరి దృష్టి ఈ సినిమాపైనే ఉంది.
పాన్ ఇండియా సినిమాగా హరి హర వీరమల్లు అనే చిత్రాన్ని క్రిష్ తెరకెక్కిస్తున్నాడు. వచ్చే ఏడాది సంక్రాంతికి విడుదల కానున్న ఈ మూవీ షూటింగ్ శరవేంగంగా జరుగుతుంది. “ధూమ్ 3”, “క్రిష్ 3” అలాగే అనేక పీరియాడిక్ సినిమాలకు స్టంట్ కొరియోగ్రఫీ చేసిన శామ్ కౌశల్.. ఇప్పుడు ఈ సినిమా కోసం సూపర్ స్టంట్స్ చేయిస్తున్నారు. తాజాగా క్రిష్ తన ట్విట్టర్ ద్వారా పవర్ స్టార్ కోసం కౌశల్ .. హై ఆక్టేన్ స్టంట్ చేయించారని పేర్కొన్నాడు. ప్రతిష్టాత్మకంగా భారీ గ్రాఫిక్స్ తో విజువల్ వండర్గా క్రిష్ ఈ చిత్రాన్ని ప్రేక్షకుల ముందుకు తీసుకురానున్నారు.