తల వెంట్రుకలే డ్రెస్‌గా.. వీడియో వైరల్‌
హెప్‌గల్‌5 అనే పేరుతో ఉన్న ఇన్‌స్టాగ్రామ్‌ పేజీలో ఓ యువతి తన తల వెంట్రుకల డ్రెస్‌ క్రియేటివిటీ విశేషంగా ఆకర్శిస్తున్నది
కొందరు తమ సృజనాత్మకతతో మనల్ని కట్టిపడేస్తుంటారు. చాలామంది సృజనాత్మకత మనకు కొత్తగా, ఆకట్టుకునేదిగా ఉంటుంది. కొందరి క్రియేటివిటీని చూడగానే.. వావ్‌! ఎంత బాగుందో.. అని ప్రశంసిస్తుంటాం. మన దగ్గరివాళ్లైతే కామెంట్స్‌ పెడతాం. మన ఇంటివారైతే వారి గురించి పదిమందికి తెలిసేలా ఫొటోలు, వీడియోలను సోషల్‌ మీడియాలో షేర్‌ చేస్తాం. అలాంటి క్రియేటివిటీని ప్రదర్శిస్తూ ఓ అమ్మడు ఆకట్టుకుంటున్నది.
హెప్‌గల్‌5 అనే పేరుతో ఉన్న ఇన్‌స్టాగ్రామ్‌ పేజీలో ఓ యువతి తన తల వెంట్రుకల డ్రెస్‌ క్రియేటివిటీ విశేషంగా ఆకర్శిస్తున్నది. పొడవైన తల వెంట్రుకలను బాగా దువ్వి డ్రెస్‌ మాదిరిగా తయారుచేసుకున్నది. నడుం భాగంలో వెడల్పాటి నల్లటి బెల్టు ధరించింది. తలకు టోపీ, కళ్లకు చలువద్దాలతో ఆ కొత్త రకం డ్రెస్‌తో ఫొటోలకు పోజులిచ్చింది. పొడవాటి వెంట్రుకలను అలా డ్రెస్‌ మాదిరిగా చేసుకున్న ఈ వీడియో సోషల్‌ మీడియాలో వైరల్‌ అయింది. నాలుగు వేలకు పైగా లైక్స్‌ వచ్చాయి. ఎందరో కామెంట్లు చేశారు. కొందరు ఎడిటింగ్‌ చేశారని అనగా.. మరికొందరు నిజమైన వెంట్రుకలు కావని రాశారు. హెయిర్‌ ఎక్స్‌టెన్షన్‌ అని ఇంకొందరు కామెంట్లు పోస్ట్ చేశారు. ఎడిటింగ్‌ కానీ, నకిలీ వెంట్రుకలు కానీ.. ఆ యువతి సృజనాత్మకతకు మాత్రం సలాం చెప్పాల్సిందే కదూ..?!
Read Today's Latest News News in Telugu and Telugu News
- Follow Us :
-
