కన్నా… నీ చిరునవ్వుకు ఫిదా!

వేల అక్షరాలు సైతం వర్ణించలేని కొన్ని సంఘటనలను ఒక్క చిత్రంతో చెప్పవచ్చని అంటారు. ఈ ఫొటోను చూస్తే అది నిజమనిపిస్తుంది. సిరియాలో తలెత్తిన అంతర్యుద్ధం కారణంగా తండ్రీ, కొడుకులైన ముంజీర్‌, ముస్తఫా తమ అవయవాలను కోల్పోయారు. అయితేనేమీ.. ఐదేండ్ల కొడుకు ముఖంలో చిరునవ్వు నింపడానికి ఆ తండ్రి ఇలా ఎత్తుకొని ఆడిస్తున్నాడు. టర్కీ ఫొటోగ్రాఫర్‌ మెహ్‌మట్‌ అస్లాన్‌ తీసిన ఈ ఫొటోకు సియానా ఇంటర్నేషనల్‌.. ‘ఫొటో ఆఫ్‌ ది ఇయర్‌’ పురస్కారం లభించింది.