Watch: వీధి కుక్కలకు ఆహారం పెట్టడంపై వృద్ధుడు అభ్యంతరం.. కర్రతో దారుణంగా కొట్టిన మహిళ

Woman Thrashes Elderly Man | వీధి కుక్కలకు ఆహారం పెట్టడంపై ఒక వృద్ధుడు అభ్యంతరం వ్యక్తం చేశాడు. ఈ నేపథ్యంలో ఒక మహిళ కర్రతో అతడ్ని దారుణంగా కొట్టింది (Woman Thrashes Elderly). ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

లక్నో: వీధి కుక్కలకు ఆహారం పెట్టడంపై ఒక వృద్ధుడు అభ్యంతరం వ్యక్తం చేశాడు. ఈ నేపథ్యంలో ఒక మహిళ కర్రతో అతడ్ని దారుణంగా కొట్టింది (Woman Thrashes Elderly). ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఉత్తరప్రదేశ్‌లోని ఘజియాబాద్‌లో ఈ సంఘటన జరిగింది. క్రాసింగ్ రిపబ్లిక్‌ ప్రాంతంలోని పంచశీల్ హౌసింగ్‌ సొసైటీకి చెందిన 23 ఏండ్ల సిమ్రాన్‌ మంగళవారం రాత్రి వేళ వీధి కుక్కలకు ఆహారం పెట్టింది. అయితే అదే హౌసింగ్‌ సొసైటీకి చెందిన 78 ఏళ్ల రూప్‌నారాయణ మెహ్రా దీనిపై అభ్యంతరం వ్యక్తం చేశాడు. వీధి కుక్కలకు అక్కడ ఆహారం పెట్టవద్దని, మరోచోట పెట్టాలని చెప్పాడు. కుక్కలు జనాల్ని కరుస్తున్నాయని అన్నాడు.

కాగా, సిమ్రాన్‌ దీనిపై ఆగ్రహం వ్యక్తం చేసింది. వాచ్‌మ్యాన్‌ చేతిలోని కర్ర తీసుకుని వృద్ధుడిపై దాడి చేసింది. అపార్ట్‌మెంట్‌ వాసులు అడ్డుకునేందుకు ప్రయత్నించినప్పటికీ ఆమె వెనక్కి తగ్గలేదు. వృద్ధుడ్ని పలుమార్లు కర్రతో కొట్టింది. రూప్‌నారాయణ మెహ్రా కుటుంబం ఈ సంఘటనపై పోలీసులకు ఫిర్యాదు చేసింది. ఈ నేపథ్యంలో సిమ్రాన్‌పై కేసు నమోదు చేసిన పోలీసులు ఆమెను అరెస్ట్‌ చేశారు.

మరోవైపు ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఈ వీడియో క్లిప్‌ చూసి నెటిజన్లు షాక్‌ అయ్యారు. ఆ మహిళ కర్రతో వృద్ధుడ్ని కొట్టడాన్ని చాలా మంది తప్పుపట్టారు.

https://twitter.com/AsiamanchYt/status/1686815733366583296?s=20