Pankaja Munde | బీజేపీ మహిళా నేతకు వేధింపులు.. ముంబైలో వ్యక్తి అరెస్ట్‌

Pankaja Munde | బీజేపీ (BJP) మహిళా నాయకురాలు (Woman leader), మహారాష్ట్ర మంత్రి పంకజా ముండే (Pankaja Munde) ను నిత్యం వేధిస్తున్న వ్యక్తి అరెస్ట్‌ అయ్యాడు. మహారాష్ట్ర (Maharastra) నోడల్‌ సైబర్‌ పోలీసులు (Nodal Cyber Police) అతడిని అరెస్ట్‌ చేశారు.

Pankaja Munde : బీజేపీ (BJP) మహిళా నాయకురాలు (Woman leader), మహారాష్ట్ర మంత్రి పంకజా ముండే (Pankaja Munde) ను నిత్యం వేధిస్తున్న వ్యక్తి అరెస్ట్‌ అయ్యాడు. మహారాష్ట్ర (Maharastra) నోడల్‌ సైబర్‌ పోలీసులు (Nodal Cyber Police) అతడిని అరెస్ట్‌ చేశారు. పోలీసులు వెల్లడించిన వివరాల ప్రకారం.. నిందితుడు గత కొన్ని రోజులుగా పంకజా ముండేను వేధిస్తున్నాడు. తరచూ ఫోన్‌లు చేస్తూ అసభ్యంగా మాట్లాడుతున్నాడు. అసభ్యకరమైన మెసేజ్‌లు పెడుతున్నాడు.

దీనిపై మహారాష్ట బీజేపీ కార్యాలయానికి చెందిన సోషల్‌ మీడియా కోఆర్డినేటర్‌ నిఖిల్‌ భమ్రే పోలీసులకు ఫిర్యాదు చేశాడు. అతడి ఫిర్యాదు ఆధారంగా కేసు నమోదు చేసిన పోలీసులు నిందితుడిని ట్రాక్‌ చేసి పట్టుకున్నారు. నిందితుడు ఎందుకు పంకజా ముండేను లక్ష్యంగా చేసుకుని వేధింపులకు పాల్పడ్డాడు..? ఇందులో ఇంకా ఎవరి పాత్ర అయినా ఉందా..? అనే కోణంలో దర్యాప్తు చేస్తున్నారు.