Minor domestic help tortured | ఇంటి పనులు చేసే బాలికకు చిత్రహింసలు.. సిగరెట్, కాల్చిన అట్లకాడతో వాతలు పెట్టిన దంపతులు
Minor domestic help tortured | ఇంటి పనులు చేసే బాలికను దంపతులు చిత్రహింసలకు గురి చేశారు (Minor domestic help tortured). సిగరెట్, కాల్చిన అట్లకాడతో ఆమె శరీరంపై వాతలు పెట్టారు. అలాగే ఊరికి వెళ్లిన ఆ దంపతులు ఆ బాలికను తమ ఇంట్లో నిర్బంధించారు. పవర్ కట్ వేళ ఆ బాలిక భయంతో కేకలు వేయగా చిత్రహింసల విషయం బయటపడింది.
ముంబై: ఇంటి పనులు చేసే బాలికను దంపతులు చిత్రహింసలకు గురి చేశారు (Minor domestic help tortured). సిగరెట్, కాల్చిన అట్లకాడతో ఆమె శరీరంపై వాతలు పెట్టారు. అలాగే ఊరికి వెళ్లిన ఆ దంపతులు ఆ బాలికను తమ ఇంట్లో నిర్బంధించారు. పవర్ కట్ వేళ ఆ బాలిక భయంతో కేకలు వేయగా చిత్రహింసల విషయం బయటపడింది. మహారాష్ట్రలోని నాగపూర్లో ఈ సంఘటన జరిగింది. అథర్వ నగరి హౌసింగ్ సొసైటీలో నివసించే దంపతులు ఇంటి పనుల కోసం మూడేండ్ల కిందట 12 ఏండ్ల బాలికను బెంగళూరు నుంచి తెచ్చారు. మంచిగా చూసుకుంటామని, చదివిస్తామని బాలిక తల్లిదండ్రులకు హామీ ఇచ్చారు.
కాగా, ఆ బాలికతో ఇంటి పనుల చాకిరి చేయిస్తున్న ఆ దంపతులు ఆమెను టార్చర్ చేశారు. తప్పులు చేసినప్పుడు దారుణంగా హింసించారు. కాలిన సిగరెట్, కత్తిని కాల్చి, అలాగే కాలిన అట్లకాడతో వీపుపై వాతలు పెట్టేవారు. ఈ నేపథ్యంలో ఆ బాలిక శరీరంపై కాలిన గాయాలున్నాయి.
మరోవైపు ఆ దంపతులు ఇటీవల బెంగళూరు వెళ్లారు. ఈ సందర్భంగా ఆ బాలికను ఒంటరిగా ఇంట్లో ఉంచి తాళం వేశారు. అయితే కరెంట్ లేని సమయంలో ఆ బాలిక సహాయం కోసం కిటికీ నుంచి కేకలు వేసింది. గమనించిన పొరుగువారు ఆ ఇంటి డోర్ను బద్ధలుకొట్టి ఆ బాలికను రక్షించారు. ఒక ఎన్జీవో సంస్థకు ఆమెను అప్పగించారు.
కాగా, ఆ బాలిక శరీరంపై కాలిన గాయాలు ఉండటం చూసిన ఎన్జీవో సంస్థ సిబ్బంది దీని గురించి ఆరా తీశారు. ఇంటి పనులు చేయిస్తున్న దంపతులు తనను చిత్రహింసలకు గురిచేస్తున్నట్లు ఆమె చెప్పింది. దీంతో పోలీసులకు ఫిర్యాదు చేశారు. ఈ నేపథ్యంలో నాగపూర్ పోలీసులు కేసు నమోదు చేశారు. బాధిత బాలికను ఆసుపత్రికి తరలించి చికిత్స అందిస్తున్నారు. బెంగళూరు పోలీసులకు సమాచారం ఇవ్వగా అక్కడ ఉన్న దంపతులను అరెస్ట్ చేసి నాగపూర్ పోలీసులకు అప్పగించారు.
Read Today's Latest National News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

