మూడు రోజుల్లో తత్కాల్‌ పాస్‌పోర్ట్‌

విదేశీ ప్రయాణాలకు పాస్‌పోర్టు ఉండాల్సిందే. అత్యవసర పరిస్థితుల్లో కేంద్రం తత్కాల్‌ పాస్‌పోర్టులను కేవలం మూడు రోజుల్లో జారీ చేస్తుంది. సాధారణ పాస్‌పోర్టులకు 30 నుంచి 45 రోజుల సమయం పడుతుంది.

న్యూఢిల్లీ: విదేశీ ప్రయాణాలకు పాస్‌పోర్టు ఉండాల్సిందే. అత్యవసర పరిస్థితుల్లో కేంద్రం తత్కాల్‌ పాస్‌పోర్టులను కేవలం మూడు రోజుల్లో జారీ చేస్తుంది. సాధారణ పాస్‌పోర్టులకు 30 నుంచి 45 రోజుల సమయం పడుతుంది. ఉద్యోగం, చదువు, అత్యవసర వైద్యం, ఇతర అత్యవసర ప్రయాణాల కోసం ఈ తత్కాల్‌ పాస్‌పోర్టులను కేంద్రం జారీ చేస్తోంది. తత్కాల్‌ పాస్‌పోర్టు కోసం ముందుగా పాస్‌పోర్టు సేవా పోర్టల్‌లోకి వెళ్లాలి.

అక్కడ అకౌంట్‌ క్రియేట్‌ చేసుకుని లాగిన్‌ అవ్వాలి. ఐప్లె ఫర్‌ ఫ్రెష్‌ పాస్‌పోర్టు అనే ఆప్షన్‌ను ఎంచుకోవాలి. ఆ తర్వాత ఓపెన్‌ అయ్యే అప్లికేషన్‌ ఫామ్‌ను నింపాలి. తత్కాల్‌ కేటగిరీని ఎంచుకుని డాక్యుమెంట్లు అప్‌లోడ్‌ చేయాలి. తగిన రుసుము చెల్లించి దగ్గర్లో ఉన్న పాస్‌పోర్టు సేవా కేంద్రంలో అపాయింట్‌మెంట్‌ బుక్‌ చేసుకోవాలి. పాస్‌పోర్టు సేవా కేంద్రానికి డాక్యుమెంట్లు చూపించి, బయోమెట్రిక్‌ ప్రాసెస్‌ను పూర్తి చేస్తే సరిపోతుంది. మూడు రోజుల్లోపు మీ ఇంటికే పాస్‌పోర్టు వస్తుంది.