Guwahati: ప్రాప‌ర్టీపై వివాదం.. హోట‌ల్‌లో అయిదుగురి కాల్చివేత‌

Guwahati: గౌహ‌తిలో దారుణం జ‌రిగింది. ఓ హోట‌ల్‌లో అయిదురు కాల్చివేత‌కు గుర‌య్యారు. ప్రాప‌ర్టీ ఓన‌ర్, లీజ్‌హోల్డ‌ర్ మ‌ధ్య ఘ‌ర్ష‌ణ జ‌రిగిన‌ట్లు తెలుస్తోంది. హోట‌ల్ బిలాస్ ఇన్‌లో రాత్రి 9 గంట‌ల‌కు కాల్పులు జ‌రిగాయి.

గౌహ‌తి: అస్సాంలోని గౌహ‌తి(Guwahati)లో దారుణం జ‌రిగింది. ఓ హోట‌ల్‌లో అయిదురు కాల్చివేత‌కు గుర‌య్యారు. ప్రాప‌ర్టీ ఓన‌ర్, లీజ్‌హోల్డ‌ర్ మ‌ధ్య ఘ‌ర్ష‌ణ జ‌రిగిన‌ట్లు తెలుస్తోంది. హోట‌ల్ బిలాస్ ఇన్‌లో రాత్రి 9 గంట‌ల‌కు కాల్పులు జ‌రిగాయి. అస్సాం పోలీసు ప్ర‌ధాన కార్యాల‌యానికి 2 కిలోమీట‌ర్ల దూరంలో జ‌రిగింది. ఆరుగురికి బుల్లెట్ గాయాలు కాగా, దాంట్లో అయిదుగురు మృతిచెందిన‌ట్లు పోలీసు క‌మీష‌న‌ర్ పార్ధసార‌థ మ‌హంత తెలిపారు. నిందితుడిని గ‌ణ‌కంట గ‌గోయ్‌గా గుర్తించారు. ప్రాప‌ర్టీ లీజ్‌హోల్డ‌ర్ అత‌ను. ఘ‌ట‌న జ‌రిగిన గంట‌లోనే అత‌న్ని ప‌ల్ట‌న్ బ‌జార్ ఏరియాలో అదుపులోకి తీసుకున్నారు. .32 బోర్ లైసెన్స్ పిస్తోల్‌ను వాడారు. దాన్ని సీజ్ చేశారు. కేసులో ద‌ర్యాప్తు జ‌రుగుతున్న‌ది. హోట‌ల్ లీజు అగ్రిమెంట్ అంశంలో గొడ‌వ జ‌రిగింద‌ని, ప్రాప‌ర్టీ వివాదం నేప‌థ్యంలో ఫైరింగ్ జ‌రిగిన‌ట్లు మ‌హంత్ తెలిపారు. మృతిచెందిన అయిదుగురు వ్య‌క్తులు హోట‌ల్ ఓన‌ర్‌కు సంబంధితులే. దాంట్లో న‌లుగురు ఒకే కుటుంబ‌స‌భ్యులు. ఏడాది క్రితం గ‌గోయ్ హోట‌ల్‌ను లీజుకు తీసుకున్నాడు.