Watch: లంచం డబ్బులు పంచుకున్న ట్రాఫిక్‌ పోలీసులు.. వీడియో వైరల్‌ కావడంతో సస్పెండ్‌

Delhi Traffic Cops Divide Bribe Money | ముగ్గురు ట్రాఫిక్‌ పోలీసులు ఒక వ్యక్తిని లంచం డిమాండ్ చేశారు. ఆ డబ్బును ఆ ముగ్గురు పంచుకున్నారు. సీసీటీవీలో రికార్డైన వీడియో క్లిప్‌ సోషల్‌ మీడియాలో వైరల్‌ అయ్యింది. ఈ నేపథ్యంలో ఆ ముగ్గురు ట్రాఫిక్‌ పోలీసులను సస్పెండ్‌ చేశారు.

న్యూఢిల్లీ: ముగ్గురు ట్రాఫిక్‌ పోలీసులు ఒక వ్యక్తిని లంచం డిమాండ్ చేశారు. ఆ డబ్బును ఆ ముగ్గురు పంచుకున్నారు. (Delhi Traffic Cops Divide Bribe Money) సీసీటీవీలో రికార్డైన వీడియో క్లిప్‌ సోషల్‌ మీడియాలో వైరల్‌ అయ్యింది. ఈ నేపథ్యంలో ఆ ముగ్గురు ట్రాఫిక్‌ పోలీసులను సస్పెండ్‌ చేశారు. దేశ రాజధాని ఢిల్లీలో ఈ సంఘటన జరిగింది. శనివారం గాజీపూర్‌లోని థ్రిల్ లారీ సర్కిల్‌లో ఉన్న పోలీస్‌ చెక్‌పాయింట్ లోపలకు ఒక వ్యక్తిని ట్రాఫిక్‌ పోలీసులు పిలిచారు. అతడితో వాదన తర్వాత లంచంగా నోట్ల కట్టను పోలీస్‌ అధికారి తీసుకున్నాడు. ఆ వ్యక్తి అక్కడి నుంచి వెళ్లగానే ముగ్గురు ట్రాఫిక్‌ పోలీసులు అక్కడ కూర్చొన్నారు. లంచంగా తీసుకున్న డబ్బును ఆ ముగ్గురు పంచుకున్నారు.

కాగా, ఆ ప్రాంతంలోని సీసీటీవీలో రికార్డైన ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఈ నేపథ్యంలో ఢిల్లీ లెఫ్టినెంట్ గవర్నర్ వీకే సక్సేనా దీని గురించి ఎక్స్‌లో స్పందించారు. ఇద్దరు అసిస్టెంట్ సబ్-ఇన్‌స్పెక్టర్స్‌ , ఒక హెడ్ కానిస్టేబుల్‌ను సస్పెండ్ చేసినట్లు పేర్కొన్నారు. ఆ ముగ్గురు పోలీసులపై శాఖాపరమైన దర్యాప్తు జరుపుతున్నట్లు వెల్లడించారు.

दिल्ली ट्रैफिक पुलिस अधिकारी का रिश्वत लेते वीडियो वायरल

वीडियो गाजीपुर थाने के पास का बताया जा रहा है@DCPSouthDelhi @dtptraffic @CPDelhi @DelhiPolice @LtGovDelhi @DCPWestDelhi pic.twitter.com/QgROjCo80w

— The National Bulletin Hindi (@BulletinHindi) August 17, 2024