అన్షుక.. ద యోగా గురు!

దీపికా పదుకొణె, అనన్యా పాండే, కరీనా కపూర్‌, ఆలియా భట్‌... వీరందరి మధ్యా ఓ సారూప్యత ఉంది. అదే అన్షుక పర్వాని. యోగా టీచర్‌! అన్షుకకు చిన్నప్పుడు ఆస్తమా ఉండేది. ఈత నేర్చుకుంటే ఊపిరితిత్తులు బలంగా మారతాయని ఆమెకు ఇంట్లోవాళ్లు ఈత నేర్పించారు.

దీపికా పదుకొణె, అనన్యా పాండే, కరీనా కపూర్‌, ఆలియా భట్‌… వీరందరి మధ్యా ఓ సారూప్యత ఉంది. అదే అన్షుక పర్వాని. యోగా టీచర్‌! అన్షుకకు చిన్నప్పుడు ఆస్తమా ఉండేది. ఈత నేర్చుకుంటే ఊపిరితిత్తులు బలంగా మారతాయని ఆమెకు ఇంట్లోవాళ్లు ఈత నేర్పించారు. ఈతలో చాంపియన్‌గా అవతరించిన అన్షుక దృష్టి తర్వాత కాలంలో విమానయానం మీదకు మళ్లింది. ఆకాశంలో పక్షిలా దూసుకుపోవాలనుకుంది. అనుకున్నది సాధించింది కూడా. సుశిక్షిత పైలట్‌గా చరిత్ర సృష్టించింది. ఇలాంటప్పుడే ఓ అనుకోని సవాలు ఎదురైంది.

ఓ ప్రమాదంలో తీవ్రంగా గాయపడిన అన్షుక, ఏకంగా ఎనిమిది నెలల పాటు మంచం మీదే ఉండాల్సి వచ్చింది. ఇక మీదట తను పైలట్‌గా కొనసాగలేనని అర్థమైంది. ఒకవైపు అనారోగ్యం, మరోవైపు చెదరిన కలలు. ఇలాంటి క్లిష్ట సమయంలో అన్షుకకు వాళ్ల అమ్మ యోగాను పరిచయం చేసింది. అందులోనూ లోతైన శిక్షణ తీసుకుందామె. యోగా ఓ గొప్ప వరం అంటారు అన్షుక. దాంతో అద్భుతాలు సాధించవచ్చని స్వీయ అనుభవంతో తెలుసుకున్నారు. ఆ నేర్పు ఇతరులకు అందించే ప్రయత్నంలో బాలీవుడ్‌ సెలబ్రిటీలు ఎందరో తన దగ్గర శిష్యులుగా మారారు.