నకిలీ సౌందర్యం

అంతర్జాతీయ బ్రాండ్స్‌కు అనుకరణలు సాధారణమే. చాలామంది అవన్నీ బ్రాండెడ్‌ ఉత్పత్తులని భ్రమిస్తున్నారు. నిలువునా మోసపోతున్నారు. ఆ తరహా మోసాలే ఇప్పుడు సౌందర్య సాధనాల విషయంలోనూ జరుగుతున్నాయి. వాటి తయారీ ప్రమాణాలు, అందులోవాడే దినుసుల విషయంలో సౌందర్య నిపుణులు సందేహాలు వ్యక్తం చేస్తున్నారు.

అంతర్జాతీయ బ్రాండ్స్‌కు అనుకరణలు సాధారణమే. చాలామంది అవన్నీ బ్రాండెడ్‌ ఉత్పత్తులని భ్రమిస్తున్నారు. నిలువునా మోసపోతున్నారు. ఆ తరహా మోసాలే ఇప్పుడు సౌందర్య సాధనాల విషయంలోనూ జరుగుతున్నాయి. వాటి తయారీ ప్రమాణాలు, అందులోవాడే దినుసుల విషయంలో సౌందర్య నిపుణులు సందేహాలు వ్యక్తం చేస్తున్నారు. వాటివల్ల నష్టాలు అనేకం. మొహానికి పూసుకున్నప్పుడు.. చర్మం రంగు మారిపోవచ్చు. దద్దుర్లు రావచ్చు. మచ్చలు ఏర్పడవచ్చు.

క్యాన్సర్లకూ దారితీయవచ్చు. కేశాలకు సంబంధించిన ఉత్పత్తులు అయితే.. జుట్టు నిర్జీవంగా మారిపోవచ్చు. తీవ్రంగా రాలిపోనూవచ్చు. కాబట్టి, సౌందర్య ఉత్పత్తులను ఎంచుకుంటున్నప్పుడు ఒకటికి పదిసార్లు ఆలోచించాలి. వాటి మీదున్న క్యూఆర్‌ కోడ్‌ను స్కాన్‌ చేయడం ద్వారా అసలైన ఉత్పత్తులా, కాదా అన్నది తెలుసుకోవచ్చు. అధికారిక వెబ్‌సైట్‌లోనే కొనడం ఉత్తమం.