చాపెల్ హిల్: అమెరికాలో (US) మరోసారి కాల్పులు కలకలం సృష్టించాయి. నార్త్ కరోలినాలోని (North Carolina) చాపెల్ హిల్లో (Chapel hill) ఉన్న యూనివర్సిటీ ఆఫ్ నార్త్ కరోలినాలో (University of North Carolina) ఓ దుండగుడు కాల్పులకు తెగబడ్డాడు. దీంతో ఫ్యాకల్టీ మెంబర్ (ఫ్రొఫెసర్) మృతిచెందాడు (Shot dead). సోమవారం మధ్యాహ్నం 2.30 గంటలకు (స్థానిక కాలమానం ప్రకారం) వర్సిటీ క్యాంపస్లోకి చొరబడిన దుండగుడు.. సైన్స్ భవనంలో కాల్పులు జరిపాడు. ఈ ఘటనలో మరెవరీకి గాయాలవలేదని తెలుస్తున్నది. సమాచారం అందుకున్న పోలీసులు వెంటనే ఆ ప్రాంతాన్ని తమ ఆధీనంలోకి తీసుకున్నారు. మూడు గంటల తర్వాత నిందితుడిని అదుపులోకి తీసుకున్నారు.
కాగా, కాల్పులకు పాల్పడింది అతడేనా లేదా అని తెలియాల్సి ఉంది. అనుమానితుడు పోలీసుల కస్టడీలో ఉన్నాడని వర్సిటీ చాన్సలర్ కెవిన్ గుస్కివీజ్ (Chancellor Kevin Guskiewicz) చెప్పారు. కాగా, క్యాంపస్లో లాక్డౌన్ ఎత్తేసిన కొన్ని గంటల్లోనే ఈ ఘటన చోటుచేసుకోవడం గమనార్హం. వర్సిటీలో కాల్పులు చోటుచేసుకోవడంతో విద్యార్థులు భయభ్రాంతులకు గురయ్యారు.
Law enforcement have Arrested the Suspect in University of North Carolina Shooting#ChapelHill #UNCShooting#UNC #NorthCarolina #shooting #breaking #chapelhill #Carolina #University #USA #Shotting #Firing
— Chaudhary Parvez (@ChaudharyParvez) August 29, 2023