కీవ్ను చుట్టుముట్టిన రష్యా దళాలు… ఉక్రెయిన్ అధ్యక్షుడి భార్య భావోద్వేగ పోస్ట్
కీవ్: ఉక్రెయిన్పై యుద్ధానికి దిగిన రష్యా దళాలు రాజధాని కీవ్ స్వాధీనానికి తెగ ప్రయత్నిస్తున్నాయి. కీవ్ను అన్ని వైపుల రష్యా సైన్యం చుట్టుముట్టింది. ఉక్రెయిన్ ఆర్మీ కూడా తీవ్రంగా ప్రతిఘటిస్తున్నది. ఒకవైపు చర్చలు మొదలైనప్పటికీ మరోవైపు ఇరు దేశ దళాలు భీకరంగా తలపడుతున్నాయి. దీంతో ఉక్రెయిన్ పౌరులతోపాటు అక్కడున్న మిగతా దేశాల ప్రజలు ప్రాణ భయంతో బిక్కుబిక్కుమంటున్నారు. లక్షలాది ప్రజలు ఆ దేశాన్ని వీడుతున్నారు. కీవ్ పౌరులు బాంబు షెల్టర్లలో ఆశ్రయం పొందుతున్నారు.
ఇలాంటి క్లిష్ట పరిస్థితుల్లో ఉక్రెయిన్ అధ్యక్షుడు వోలోడిమిర్ జెలెన్స్కీ భార్య ఒలెనా జెలెన్స్కీ, తన ఇన్స్టాగ్రామ్లో ఆదివారం ఒక భావోద్వేగ పోస్ట్ చేశారు. ఒక పసి పాప ఫొటోను ఆమె షేర్ చేశారు. ‘ఈ పసి బిడ్డ బాంబు షెల్టర్లో జన్మించింది. వాస్తవానికి ఆమె పుట్టుక పూర్తిగా భిన్నమైన పరిస్థితులలో, ప్రశాంతమైన వాతావరణంలో జరుగాలి. కానీ, ముఖ్యమైన విషయం ఏమిటంటే వీధుల్లో యుద్ధం జరుగుతున్నప్పటికీ వైద్యులు, సహకరించే వ్యక్తులు ఈ చిన్నారి వెన్నంటే ఉన్నారు. ఈ పసి పాపను మనం రక్షించుకుంటాం. ఎందుకంటే మీరు ప్రియమైన దేశీయులు. నమ్మశక్యం కాని ఎంతో గొప్పవారు’ అని ఆమె పేర్కొన్నారు.

మరోవైపు ఉక్రేనియన్ ఆర్మీకి మద్దతుగా నిలిచిన దేశ పౌరులను ప్రథమ మహిళ అయిన ఒలెనా జెలెన్స్కీ తన పోస్ట్లో కొనియాడారు. కేవలం రెండు రోజుల్లోనే సాయుధ ప్రతిఘటనకు ముందుకు వచ్చారంటూ ప్రశంసించారు. కష్ట సమయంలో ఒకరికొకరు సహాయం చేసుకోవడాన్ని మెచ్చుకున్నారు.
ఉక్రేనియన్లు తమ పొరుగువారికి సహాయం చేశారని, అవసరమైన వారికి ఆశ్రయం ఇచ్చారని ఒలెనా జెలెన్స్కీ తెలిపారు. అలాగే సైనికులు, బాధితుల కోసం రక్తదానం చేశారని, శత్రు వాహనాలను నిలువరించారని పేర్కొన్నారు. ‘బాంబు షెల్టర్లలో జన్మించిన పిల్లలు, ఉక్రేనియన్లు తమను తాము రక్షించుకున్న శాంతియుత దేశంలో జీవిస్తారు’ అంటూ తన భావోద్వేగ పోస్ట్ను ఆమె ముగించారు.
కాగా, ఉక్రెయిన్ అధ్యక్షుడు వోలోడిమిర్ జెలెన్స్కీ, ఒలెనా వివాహం 2003లో జరిగింది. వీరికి ఇద్దరు పిల్లలు. లింగ సమానత్వం వంటి సామాజిక అంశాలపై ఒలెనా జెలెన్స్కీ తన గొంతు వినిపించడంతోపాటు వాదిస్తుంటారు. దౌత్యపరమైన విధులను కూడా ఆమె నిర్వహిస్తున్నారు.
Read Today's Latest International News in Telugu and Telugu News
RELATED ARTICLES
తాజా వార్తలు
Sajjanar | పోస్టింగ్ ఎక్కడ ఇచ్చినా తగ్గేది లేదు.. సజ్జనార్ కీలక వ్యాఖ్యలు!
మాల వేసుకుని చెప్తున్న.. కాంగ్రెస్ మళ్లా రాదు!.. సీఎం కరప్షన్తో తీవ్రనష్టం.. రేవంత్పై ఎమ్మెల్యే రాజగోపాల్ ఫైర్
Harish Rao | మాటల్లో వజన్ లేదు.. చేతల్లో విజన్ లేదు.. సిద్దిపేటలో రేవంత్రెడ్డి చిల్లర ప్రసంగంపై హరీశ్రావు ఫైర్
Land Scam | మాజీ డీజీపీ భూమికి ఎసరు.. 4.27 ఎకరాల పట్టాభూమి రియల్టర్ పేరు పైకి!
KTR | 5 లక్షల కోట్ల అవినీతి.. రేవంత్రెడ్డి దందాలను సొంత ఎమ్మెల్యేలే బయటపెడుతున్నరు: కేటీఆర్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

