Visit:
Sexiest Man | లాస్‌ఏంజెల్స్‌: ప్రపంచంలోనే సెక్సియెస్ట్‌ మ్యాన్‌ అలైవ్‌గా అమెరికా నటుడు, దర్శకుడు జాన్‌ క్రసిన్‌స్కీ ఎంపికయ్యారు. ప్రపంచంలో జీవించి ఉన్న వారిలో 2024 ఏడాదికి సెక్సియెస్ట్‌మ్యాన్‌గా క్రసిన్‌స్కీని ఎంపిక చేసినట్టు పీపుల్స్‌ మ్యాగజైన్‌ ప్రకటించింది.
మంగళవారం జరిగిన ద లేట్‌ షో విత్‌ స్టీఫెన్‌ కొల్బెర్ట్‌ షోలో విజేతను ఎంపిక చేశారు. దీనిపై 45 ఏండ్ల జాన్‌ స్పందిస్తూ తనకు ఈ గౌరవం దక్కడం పట్ల సంతోషం వ్యక్తం చేశారు. తన భార్య, నటి బ్లంట్‌ తన చిత్రాన్ని వారి ఇంటిలో వాల్‌పేపర్‌గా ఉపయోగిస్తానని చేసిన వాగ్దానాన్ని నెరవేర్చవచ్చునని చమత్కరించాడు. జాన్‌ ద ఆఫీస్‌, క్వయిట్‌ ప్లేస్‌, ఇఫ్‌తో పాటు అమెజాన్‌లోని యాక్షన్‌ సీరిస్‌ జాక్‌ ర్యాన్‌లలో మంచి పేరును తెచ్చుకున్నారు. క్వయిట్‌ ప్లేస్‌లో సహ రచయిత, దర్శకునిగా కూడా వ్యవహరించారు.
