ఇంటి వద్దే కటింగ్‌.. షేవింగ్‌!

• ట్రెండ్‌ మార్చిన నాయీ బ్రాహ్మణులు
• అర్బన్‌ క్లాప్‌ యాప్‌ సేవల తరహాలో సేవల ఆధునీకరణ
• ఇండ్లకే వెళ్లి సేవలందిస్తున్న వైనం

ఒకప్పుడు గ్రామాల్లో నాయీబ్రాహ్మణులు ఇంటికే వచ్చి క్షౌరం చేసేవారు. ఇప్పటికీ కొన్ని మారుమూల గ్రామాల్లో ఆ విధానం కొనసాగుతున్నది. నగరంలో మాత్రం అర్బన్‌ క్లాప్‌ వంటి సెలూన్‌లు గత ఏడాదే కస్టమర్ల ఇంటి వద్దే సేవలు ప్రారంభించాయి. ఈ నేపథ్యంలోనే నాయీ బ్రాహ్మణులు కూడా కరోనా నేపథ్యంలోనే తమ సేవలను ఆధునీకరించారు. తమకు చిరకాలంగా తెలిసిన వినియోగదారుల ఇండ్ల వద్దకే వెళ్లి క్షవర సేవలు చేసేలా తమ పనివిధానాన్ని మార్చుకుంటున్నారు.

చార్జీలు అదనం…

• ప్రస్తుతం కరోనా నేపథ్యంలో షాపుల్లో కటింగ్‌ చేసినా కొద్దిగా అదనపు చార్జీలను వసూలు చేస్తున్నారు సెలూన్‌ నిర్వాహకులు.
• అందుకు కారణం లేకపోలేదు. కరోనా ఒకరి నుంచి ఒకరికి సోకకుండా ప్రత్యేకంగా చర్యలు తీసుకుంటున్నారు.
• అందుకయ్యే భారాన్ని కొంత కస్టమర్ల నుంచి తీసుకుంటున్నారు.
• ఉదాహరణకు కటింగ్‌ చేసేందుకు ఒంటిపై వేసేందుకు డిస్పోజబుల్‌ క్లాత్‌ తదితర వాటిని వినియోగిస్తున్నారు.
• అదేవిధంగా హీటర్లను వాడుతూ కత్తెర్లు, దువ్వెలను వేడిచేస్తూ సూక్ష్మక్రిమి రహితం చేస్తున్నారు.
• ఇలా అన్ని జాగ్రత్తలను తీసుకుంటున్నారు. ఆ ఖర్చులు పెరగడంతో కొంత భారం వినియోగదారులపైనా పడుతున్నది.
• కొందరు నాయీబ్రహ్మణులు రెగ్యులర్‌గా వచ్చే కస్టమర్లకు ఫోన్లు చేస్తూ వారి ఇంటి వద్దకే వెళ్లి షేవింగ్‌, కటింగ్‌ చేస్తూ సేవలను ఆధునీకరించుకుంటుండడం గమనార్హం.