Ugadi Panchangam | ఈ రాశివారికి ఉద్యోగ ప్రయత్నాలు కలిసివస్తాయి.. విద్యార్థులు చదువులో సత్ఫలితాలు సాధిస్తారు

గురువు, రాహు, కేతు గ్రహాల ప్రీత్యర్థం జప, క్షీర తర్పణ, హోమ, దానాదులు చేయండి. దత్తాత్రేయస్వామి ఆరాధన వల్ల గురు అనుగ్రహం పొందవచ్చు. తరచూ మంగళవారాలు సుబ్రహ్మణ్యస్వామి ఆలయాన్ని సందర్శించండి.

ధనుస్సు (మూల, పూర్వాషాఢ, ఉత్తరాషాఢ 1వ పాదం)

ఆదాయం: 8
వ్యయం: 11
రాజపూజ్యం: 6
అవమానం: 3

చైత్రం: ప్రారంభించిన పనులు శ్రద్ధగా పూర్తిచేస్తారు. డబ్బు విషయంలో ఇబ్బందులు ఎదురవుతాయి. రావలసిన సొమ్ము వివాదాలతో చేతికి అందుతుంది. కుటుంబంలో పెద్దల సహకారం లభిస్తుంది. వాహన మూలకంగా ధన వ్యయం.

వైశాఖం: వృత్తిలో సంతృప్తి లభిస్తుంది. ఉద్యోగ ప్రయత్నాలు కలిసివస్తాయి. స్నేహితులు, బంధువుల వల్ల పనులు నెరవేరుతాయి. అన్నదమ్ముల సహకారం లభిస్తుంది. విద్యార్థులు చదువులో సత్ఫలితాలు సాధిస్తారు.

జ్యేష్ఠం: అనవసరమైన వివాదాల జోలికి వెళ్లొద్దు. దూర ప్రయాణాలు తగ్గించుకోవడం మంచిది. ఉద్యోగులు ఆఫీసులో సంయమనం పాటించడం అవసరం. ఖర్చులను నియంత్రించండి.

ఆషాఢం: ప్రారంభించిన పనులు త్వరగా పూర్తవుతాయి. పట్టుదలతో ప్రయత్నించండి. వాహనాల వల్ల ధన వ్యయ సూచన. సంయమనంతో నిర్ణయాలు తీసుకోవాలి. కుటుంబంలో ప్రశాంతత నెలకొంటుంది. అధికారుల ఆదరణ లభిస్తుంది.

అధిక-నిజ శ్రావణం: కుటుంబంతో సంతృప్తిగా ఉంటారు. వివాహాది శుభకార్య ప్రయత్నాలు ఫలిస్తాయి. అధికారుల అండదండలు లభిస్తాయి. సమయాన్ని సద్వినియోగం చేసుకుంటూ అన్నిటా విజయం పొందుతారు.

భాద్రపదం: ఆర్థికంగా కలిసివస్తుంది. చేపట్టిన పనులు సకాలంలో పూర్తవుతాయి. శ్రమకు తగిన ఫలితం లభిస్తుంది. ఉద్యోగ ప్రయత్నాలు కలిసివస్తాయి. రావలసిన డబ్బు చేతికి అందడంతో రుణ బాధలు కొంతవరకు తీరుతాయి.

ఆశ్వయుజం: ఈ నెల సత్ఫలితాలు ఉన్నాయి. బంధువుల రాకతో ఖర్చు పెరిగినా, సంతోషం పొందుతారు. సమయానికి డబ్బు అందుతుంది. ఉద్యోగులకు గౌరవ మర్యాదలు పెరుగుతాయి. వ్యాపారం లాభదాయకంగా ఉంటుంది.

కార్తికం: కుటుంబసభ్యుల సహకారం లభిస్తుంది. అనవసరమైన వివాదాల జోలికి వెళ్లొద్దు. ఆత్మీయుల తోడ్పాటుతో చాలా పనులు నెరవేరుతాయి. ఉద్యోగంలో సంతృప్తి. శుభకార్య ప్రయత్నాలు సఫలం అవుతాయి.

మార్గశిరం: ఆటంకాలు ఎదురైనా చేపట్టిన పనులు పూర్తిచేస్తారు. ఉద్యోగులకు పనిభారం పెరుగుతుంది. ఆదాయం స్థిరంగా ఉంటుంది. బంధువులతో భేదాభిప్రాయాలు రావచ్చు. ఆరోగ్యం విషయంలో శ్రద్ధ వహించండి.

పుష్యం: ప్రారంభించిన పనులు పూర్తి చేయడానికి చిత్తశుద్ధి అవసరం. భార్యాపిల్లలతో చర్చించి నిర్ణయాలు తీసుకోండి. విద్యార్థులకు ఏకాగ్రత అవసరం. ఒప్పందాల విషయంలో సంయమనంతో వ్యవహరించండి.

మాఘం: బంధువర్గంతో వైషమ్యాలు తలెత్తవచ్చు. రావలసిన డబ్బు చేతికి అందినా, వృథా ఖర్చులు తగ్గించుకోవడం అవసరం. ప్రయాణాల వల్ల అలసట, వృథా కాలయాపన గోచరిస్తున్నది. విద్యార్థులకు మంచి కాలం.

ఫాల్గుణం: పనిభారం పెరిగినా సంయమనంతో వ్యవహరిస్తారు. బంధుమిత్రుల సహకారం లభిస్తుంది. సాంస్కృతిక, ధార్మిక కార్యక్రమాల్లో పాలుపంచుకుంటారు. భూలావాదేవీల్లో అనుకూలత ఉన్నా ఆర్థిక ఇబ్బందుల వల్ల పనులు ఆలస్యం అవుతాయి.

• గురువు, రాహు, కేతు గ్రహాల ప్రీత్యర్థం జప, క్షీర తర్పణ, హోమ, దానాదులు చేయండి. దత్తాత్రేయస్వామి ఆరాధన వల్ల గురు అనుగ్రహం పొందవచ్చు. తరచూ మంగళవారాలు సుబ్రహ్మణ్యస్వామి ఆలయాన్ని సందర్శించండి.