War 2 Movie | ఎన్టీఆర్ బాలీవుడ్ ఎంట్రీకి డేట్ ఫిక్స్.. ‘వార్ 2’ విడుద‌ల తేదీ ప్ర‌క‌టించిన హృతిక్ రోష‌న్

War 2 | బాలీవుడ్ ఫ్యాన్స్‌తో పాటు నంద‌మూరి అభిమానులు ఎప్పుడెప్పుడా అని ఎదురుచూస్తున్న స‌మ‌యం రానే వ‌చ్చింది.

War 2 Movie release announcement |బాలీవుడ్ ఫ్యాన్స్‌తో పాటు నంద‌మూరి అభిమానులు ఎప్పుడెప్పుడా అని ఎదురుచూస్తున్న స‌మ‌యం రానే వ‌చ్చింది. ఎన్టీఆర్ బాలీవుడ్ ఎంట్రీకి డేట్ ఫిక్స‌యింది. ఆయ‌న న‌టిస్తున్న వార్ 2 సినిమాకు సంబంధించి తాజాగా విడుద‌ల తేదీని ప్ర‌క‌టించాడు బాలీవుడ్ గ్రీకువీరుడు హృతిక్ రోష‌న్.

హృతిక్‌ రోష‌న్ క‌థానాయకుడిగా న‌టిస్తున్న తాజా చిత్రం వార్ 2. ఈ సినిమాలో ఎన్టీఆర్ కీల‌క పాత్ర‌లో న‌టిస్తుండ‌గా.. వార్ సినిమాకు సీక్వెల్‌గా వ‌స్తున్న ఈ చిత్రానికి అయ‌న్ ముఖ‌ర్జీ ద‌ర్శ‌క‌త్వం వ‌హిస్తున్నాడు. ఆదిత్య చోప్రా ఈ సినిమాను నిర్మిస్తున్నాడు. జాన్‌ అబ్రహాం, కియారా అద్వానీ కీలక పాత్రలలో నటిస్తున్నారు. ప్ర‌స్తుతం శ‌ర‌వేగంగా షూటింగ్ జ‌రుపుకుంటుడ‌గా.. ఎన్టీఆర్ త‌న పాత్ర‌కు సంబంధించిన షూటింగ్‌ని ఇప్ప‌టికే కంప్లీట్ చేసుకున్నాడు. అయితే ఈ మూవీ విడుద‌ల తేదీ ఎప్పుడా అని ఎదురుచూస్తున్న అభిమానుల‌కు సాలిడ్ అప్‌డేట్‌ను ప్ర‌క‌టించాడు హృతిక్ రోష‌న్. వార్ 2 సినిమాను ఇండిపెండెన్స్ డే కానుక‌గా.. ఆగ‌ష్టు 14న విడుద‌ల చేస్తున్న‌ట్లు తెలిపాడు. దీంతో తార‌క్ ఫ్యాన్స్ ఫుల్ ఖుషి అవుతున్నారు.