మాస్ట‌ర్‌కి తొలి స్థానం, వ‌కీల్‌సాబ్‌కి ఏడో స్థానం

2021లో అత్యంత ప్రజాదరణ పొందిన టాప్‌టెన్‌ చిత్రాలు, వెబ్‌సిరీస్‌ల పట్టికను ఐఎండీబీ ఇంటర్నెట్ తాజాగా విడుద‌ల చేసింది. ఈ లెక్క‌ల ప్ర‌కారం విజ‌య్ న‌టించిన మాస్ట‌ర్ చిత్రం తొలి స్థానంలో నిల‌వ‌గా, ఆస్పిర్టన్స్‌ వెబ్‌సిరీస్, ది వైట్‌ టైగర్‌ రెండు, మూడు స్థానాల్లో నిలిచాయి. ఇక తమన్నా నవంబర్‌ స్టోరీ- ఐదో స్థానంలో నిల‌వ‌గా, ధనుష్‌ చిత్రం కర్ణన్‌- 6, పవన్‌ కల్యాణ్‌ వకీల్‌సాబ్‌ చిత్రం-7, క్రాక్‌ 9వ స్థానం దక్కించుకుంది.

విజయ్,విజయ్ సేతుపతి,మాళవికా మోహనన్,ఆండ్రియా,శాంతను భాగ్యరాజ్,అర్జున్ దాస్ ప్ర‌ధాన పాత్ర‌ల‌లో లోకేష్ కనకరాజ్ తెర‌కెక్కించిన చిత్రం ఈ ఏడాది థియేట‌ర్‌లో విడుద‌ల కాగా, 200 కోట్ల‌కు పైగా వ‌సూళ్లని సాధించింది. తమిళంతో పాటు తెలుగు, కన్నడ, హిందీ భాషల్లో ఈ చిత్రం ప్రపంచ వ్యాప్తంగా భారీ ఎత్తున విడుదలైంది. ఈ సినిమాలో విజయ్ త‌న ప‌ర్‌ఫార్మెన్స్‌తో ఆక‌ట్టుకోగా, ప్రతినాయకుడిగా విజయ్ సేతుపతి చాలా క్రూరంగా కనిపించాడు. ఊర మాస్ గెటప్‌లో ఆకట్టుకున్నాడు.