Viduthalai Movie Telugu Release | తమిళ దర్శకుడు వెట్రిమారన్ సినిమాలను అన్ని భాషల ప్రేక్షకులు ఆదరిస్తుంటారు. ఆయన దర్శకత్వం వహించిన సినిమాలన్ని బ్లాక్బస్టర్ హిట్లే. కమర్షియల్గానే కాదు క్రిటిక్స్ నుంచి కూడా గొప్ప ప్రశంసలు అందుకున్నాయి. విసరనై, వడివసాల్, వడ చెన్నై, అసురన్ వంటి పలు అద్భుతమైన సినిమాలు తెరకెక్కించాడు. ప్రస్తుతం ఆయన తెరకెక్కించి విడుతలై-1 రిలీజ్కు సిద్ధంగా ఉంది. ప్రముఖ కమెడియన్ సూరి ప్రధాన పాత్రలో నటిస్తున్నాడు. క్రైమ్ థ్రిల్లర్ నేపథ్యంలో తెరకెక్కిన ఈ సినిమా మార్చి 31న రిలీజ్ కాబోతుంది. ఇప్పటికే రిలీజ్ చేసిన టీజర్, ట్రైలర్లో తమిళంలో మిలియన్ల వ్యూస్ను రాబట్టాయి.
ఇదిలా ఉంటే తాజాగా ఈ సినిమాకు సంబంధించిన ఓ వార్త నెట్టింట తెగ వైరల్ అవుతుంది. ఈ సినిమాను తమిళంలో పాటు తెలుగులోనూ ఏకకాలంలో రిలీజ్ చేస్తున్నట్లు తెలుస్తుంది. ప్రముఖ దిగ్గజ నిర్మాణ సంస్థ ఈ సినిమా హక్కులను కొనుగోలు చేసిందని సమాచారం. దీనిపై త్వరలోనే అధికారిక ప్రకటన వచ్చే అవకాశం ఉంది. విజయ్ సేతుపతి కీలకపాత్ర పోషించిన ఈ సినిమాలో గౌతమ్ మీనన్ ప్రతినాయకుడిగా పాత్ర పోషిస్తున్నాడు. మ్యూజిక్ మ్యాస్ట్రో ఇళయరాజా సంగీతం అందించిన ఈ సినిమాను ఆర్ఎస్ ఇన్ఫోర్టైన్మెంట్, గ్రాస్ రూట్ ఫిల్మ్ కంపనీ సంస్థలు సంయుక్తంగా నిర్మిస్తున్నాయి.