ఆగమనానికి సిద్ధమవుతూ..

ప్రముఖ దర్శకుడు ఎస్వీ కృష్ణారెడ్డి దర్శకత్వంలో కె.అచ్చిరెడ్డి సమర్పణలో.. కొమ్మూరి ప్రతాపరెడ్డి నిర్మిస్తున్న సందేశాత్మక యాక్షన్‌ చిత్రం ‘వేదవ్యాస్‌'. పిడుగు విశ్వనాథ్‌ హీరోగా పరిచయం అవుతున్న ఈ చిత్రం నిర్మాణ కార్యక్రమాలు చివరి దశకు చేరుకున్నాయి.

ప్రముఖ దర్శకుడు ఎస్వీ కృష్ణారెడ్డి దర్శకత్వంలో కె.అచ్చిరెడ్డి సమర్పణలో.. కొమ్మూరి ప్రతాపరెడ్డి నిర్మిస్తున్న సందేశాత్మక యాక్షన్‌ చిత్రం ‘వేదవ్యాస్‌’. పిడుగు విశ్వనాథ్‌ హీరోగా పరిచయం అవుతున్న ఈ చిత్రం నిర్మాణ కార్యక్రమాలు చివరి దశకు చేరుకున్నాయి. త్వరలో సినిమా విడుదల కానున్నది. ఈ సందర్భంగా ఈ సినిమాను నిర్మిస్తున్న ‘సాయి ప్రగతి ఫిల్మ్స్‌’ బ్యానర్‌ విజువల్‌ లోగో ఆవిష్కరణ హైదరాబాద్‌ ఘట్‌కేసర్‌లోని కేపీఆర్‌ఐటీ విద్యా సంస్థల వార్షికోత్సవ వేడుకలో ఘనంగా జరిగింది. షిర్డీ సాయిబాబా విగ్రహానికి దర్శకనిర్మాతలు, సమర్పకుడు కలిసి పూజ చేస్తున్న దృశ్యాన్ని లోగోలో చిత్రీకరించారు. నిర్మాత కొమ్మూరి ప్రతాపరెడ్డి, ఎస్వీ కృష్ణారెడ్డి, కె.అచ్చిరెడ్డి, హీరో పిడుగు విశ్వనాథ్‌, నటుడు రఘుబాబు, తెలంగాణ ప్రభుత్వ విద్యాశాఖ కార్యదర్శి శ్రీరామ్‌ వెంకటేశ్‌, కేపీఆర్‌ఐటీ విద్యా సంస్థల వైస్‌ ఛైర్మన్‌ ప్రశాంత్‌రెడ్డి, కార్యదర్శి రాకేశ్‌రెడ్డి ఇంకా అనేకమంది అతిథులతోపాటు నాలుగు వేలకు పైగా విద్యార్థినీ, విద్యార్థులు ఈ కార్యక్రమంలో పాల్గొన్నారు.