Visit:
వైష్ణవ్‌తేజ్‌, శ్రీలీల జంటగా నటిస్తున్న చిత్రం ‘ఆదికేశవ’. శ్రీకాంత్‌ ఎన్‌ రెడ్డి దర్శకుడు. నాగవంశీ, సాయిసౌజన్య నిర్మాతలు. ఆగస్ట్‌ 18న ఈ చిత్రం ప్రేక్షకుల ముందుకురానుంది. పవర్‌ఫుల్‌ యాక్షన్‌ ఎంటర్‌టైనర్‌గా ఈ చిత్రాన్ని తెరకెక్కిస్తున్నారు. ‘ఈ సినిమాలో వైష్ణవ్‌తేజ్‌ పూర్తి మాస్‌ పాత్రలో కనిపిస్తారు. గ్రామీణ నేపథ్యంలో ఓ గుడి చుట్టూ అల్లుకున్న కథాంశమిది.
తన వారి క్షేమం కోసం ఓ యువకుడు ఎలాంటి పోరాటం చేశాడన్నది ఆకట్టుకుంటుంది. పవర్‌ఫుల్‌ యాక్షన్‌, ఎమోషన్స్‌ ప్రధానంగా అన్ని వర్గాలను మెప్పిస్తుంది’ అని చిత్రబృందం పేర్కొంది. అపర్ణాదాస్‌, జోజు జార్జ్‌, రాధిక తదితరులు నటిస్తున్న ఈ చిత్రానికి సినిమాటోగ్రఫీ: డడ్లీ, సంగీతం : జీవీ ప్రకాష్‌ కుమార్‌, నిర్మాణ సంస్థలు: సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌, రచన-దర్శకత్వం: శ్రీకాంత్‌ ఎన్‌ రెడ్డి.
