Ramayana | ‘రామాయణ’ పాటలపై విమర్శలు.. ‘ఆదిపురుష్’తో పోలికలు,ఏఆర్ రెహమాన్ మ్యాజిక్ ఎక్కడంటూ కామెంట్

Ramayana | భారతీయ సినీ ప్రేక్షకులు, ముఖ్యంగా శ్రీరామ భక్తులు ఎంతో ఆసక్తిగా ఎదురుచూస్తున్న చిత్రాల్లో ‘రామాయణ’ ఒకటి. బాలీవుడ్ స్టార్ రణ్‌బీర్ కపూర్ శ్రీరాముడిగా, సాయి పల్లవి సీతాదేవిగా నటిస్తున్న ఈ చిత్రానికి నితేష్ తివారీ దర్శకత్వం వహిస్తున్నారు. రెండు భాగాలుగా తెరకెక్కుతున్న ఈ భారీ ప్రాజెక్ట్‌ తొలి భాగం నవంబర్ 5న థియేటర్లలో విడుదల కానున్నట్లు ప్రచారం జరుగుతోంది.

Ramayana | భారతీయ సినీ ప్రేక్షకులు, ముఖ్యంగా శ్రీరామ భక్తులు ఎంతో ఆసక్తిగా ఎదురుచూస్తున్న చిత్రాల్లో ‘రామాయణ’ ఒకటి. బాలీవుడ్ స్టార్ రణ్‌బీర్ కపూర్ శ్రీరాముడిగా, సాయి పల్లవి సీతాదేవిగా నటిస్తున్న ఈ చిత్రానికి నితేష్ తివారీ దర్శకత్వం వహిస్తున్నారు. రెండు భాగాలుగా తెరకెక్కుతున్న ఈ భారీ ప్రాజెక్ట్‌ తొలి భాగం నవంబర్ 5న థియేటర్లలో విడుదల కానున్నట్లు ప్రచారం జరుగుతోంది. అయితే, సినిమాపై భారీ అంచనాలు నెలకొన్న వేళ.. విడుదలైన పాటలపై కొందరు ప్రేక్షకులు అసంతృప్తి వ్యక్తం చేస్తున్నట్లు తెలుస్తోంది. ముఖ్యంగా సంగీతం విషయంలో ఆస్కార్ విజేతలు ఏఆర్ రెహమాన్, హన్స్ జిమ్మర్ నుంచి ఆశించిన స్థాయి అనుభూతి లభించడం లేదనే అభిప్రాయాలు వినిపిస్తున్నాయి.

‘రామాయణ’ సినిమాకు ఏఆర్ రెహమాన్, హన్స్ జిమ్మర్ సంగీతం అందిస్తుండటం మొదటి నుంచీ ప్రత్యేక ఆకర్షణగా నిలిచింది. భారతీయ సంగీతంలో తనదైన ముద్ర వేసిన రెహమాన్, అంతర్జాతీయ స్థాయిలో గుర్తింపు పొందిన హన్స్ జిమ్మర్ కలిసి పనిచేస్తుండటంతో అభిమానుల్లో భారీ అంచనాలు ఏర్పడ్డాయి. ముఖ్యంగా రామాయణం వంటి ఇతిహాస కథకు సంగీతం ఎంతో కీలకం. భక్తిభావం, భావోద్వేగం, యుద్ధ సన్నివేశాల్లో వీరత్వం, రాముడి వ్యక్తిత్వంలోని గొప్పదనం.. ఇలా కథలోని ప్రతి ముఖ్యమైన సందర్భాన్ని సంగీతం మరింత ప్రభావవంతంగా మలచగలదు. అయితే ఇప్పటివరకు విడుదలైన పాటలు ఆ స్థాయిలో ప్రేక్షకులను ఆకట్టుకోలేకపోయాయని కొందరు అభిప్రాయపడుతున్నారు.

పాటలు వినడానికి బాగున్నప్పటికీ, రామాయణం వంటి ఇతిహాస చిత్రానికి అవసరమైన ఆధ్యాత్మిక అనుభూతిని పూర్తిస్థాయిలో అందించడం లేదని సోషల్ మీడియాలో చర్చ జరుగుతోంది. అయితే పూర్తి ఆల్బమ్ విడుదలయ్యాకే సంగీతంపై సమగ్రంగా అంచనా వేయగలమని మరికొందరు భావిస్తున్నారు. కాగా, ప్రభాస్ నటించిన ‘ఆదిపురుష్’ సినిమా విడుదలకు ముందు భారీ అంచనాలను సొంతం చేసుకుంది. అయితే సినిమా విడుదలైన తర్వాత కథనం, దృశ్యాల రూపకల్పన, పాత్రల చిత్రీక‌ర‌ణ‌ వంటి అంశాలపై తీవ్ర విమర్శలు ఎదురయ్యాయి. ఆ చిత్రానికి అజయ్–అతుల్, సచేత్–పరంపర సంగీతం అందించారు.ఇప్పుడు ‘రామాయణ’ పాటలపై చర్చ జరుగుతున్న నేపథ్యంలో కొందరు ప్రేక్షకులు ‘ఆదిపురుష్’ సంగీతంతో పోలుస్తున్నారు. ఆ సినిమాలోని కొన్ని పాటలు, సంగీతంలోని భావోద్వేగ తీవ్రతతో పోలిస్తే ‘రామాయణ’ నుంచి ఇప్పటివరకు వచ్చిన పాటలు అంతగా ఆకట్టుకోవడం లేదని అభిప్రాయపడుతున్నారు.