Visit:
రాజ్‌తరుణ్‌, మాల్వి మల్హోత్రా జంటగా రూపొందుతోన్న చిత్రం ‘తిరగబడరసామీ’. ఎ.ఎస్‌.రవికుమార్‌చౌదరి దర్శకుడు. మల్కాపురం శివకుమార్‌ నిర్మాత. ప్రస్తుతం ఈ సినిమా నిర్మాణంలో ఉంది. ప్రమోషన్‌లో భాగంగా ఇందులోని లిరికల్‌ సాంగ్‌ను మేకర్స్‌ సోమవారం విడుదల చేశారు. ఈ సినిమాలో విభిన్నమైన పాత్ర పోషిస్తున్న మన్నారా చోప్రాపై చిత్రీకరించిన ఈ ప్రత్యేక గీతం యువతరాన్ని ఆకట్టుకునేలా ఉంటుందని మేకర్స్‌ చెబుతున్నారు. ‘బాయ్‌ బాయ్‌.. రాధాభాయ్‌.. చెప్తాంటే హాయ్‌ హాయ్‌.. అవుతాందే మనసంతా గాయ్‌ గాయ్‌..’
అంటూ సాగే ఈ గీతాన్ని భోలే షావలి స్వయంగా రాసి, స్వరపరచగా, శ్రావణభార్గవి హైలీ ఎనర్జిటిక్‌గా ఆలపించారని, మన్నార్‌చోప్రా మాస్‌ డాన్స్‌ మూమెంట్స్‌ విశేషంగా ఆకట్టుకుంటాయని మేకర్స్‌ తెలిపారు. మకరంద్‌ దేశ్‌పాండే, జాన్‌ విజయ్‌, రఘుబాబు, అంకిత ఠాకూర్‌, పృథ్వి, ప్రగతి, రాజారవీంద్ర, తదితరులు ఇతర పాత్రలు పోషిస్తున్న ఈచిత్రానికి కెమెరా: జవహర్‌రెడ్డి ఎం.ఎన్‌, నిర్మాణం: సురక్ష్‌ ఎంటర్‌టైన్‌మెంట్‌ మీడియా.
