Papam Prathap Teaser | ప్రతాప్ చేసిన పాపం ఏంటి? ఆక‌ట్టుకుంటున్న తిరువీర్ కొత్త సినిమా టీజ‌ర్

Papam Prathap | 'మసూద', 'పరేషాన్' 'ది గ్రేట్ ప్రీ వెడ్డింగ్' వంటి వైవిధ్యమైన సినిమాలతో తెలుగు ప్రేక్షకుల్లో తనకంటూ ఒక ప్రత్యేక గుర్తింపు తెచ్చుకున్న యంగ్ అండ్ టాలెంటెడ్ యాక్టర్ తిరువీర్ హీరోగా నటిస్తున్న లేటెస్ట్ మూవీ ‘పాపం ప్రతాప్’.

Papam Prathap | ‘మసూద’, ‘పరేషాన్’ ‘ది గ్రేట్ ప్రీ వెడ్డింగ్’ వంటి వైవిధ్యమైన సినిమాలతో తెలుగు ప్రేక్షకుల్లో తనకంటూ ఒక ప్రత్యేక గుర్తింపు తెచ్చుకున్న యంగ్ అండ్ టాలెంటెడ్ యాక్టర్ తిరువీర్ హీరోగా నటిస్తున్న లేటెస్ట్ మూవీ ‘పాపం ప్రతాప్’. ఏ విన్ ఒరిజినల్ ప్రొడక్షన్ బ్యానర్‌పై అత్యంత ప్రతిష్టాత్మకంగా రూపొందుతున్న ఈ చిత్ర టీజర్‌ను చిత్ర యూనిట్ తాజాగా విడుదల చేసింది. ఒక సామాన్యమైన వ్యక్తి జీవితంలో ఎదురయ్యే వింతైన, వినోదాత్మకమైన సంఘటనల నేపథ్యంలో ఈ సినిమా సాగనుందని టీజర్ చూస్తే అర్థమవుతోంది. టైటిల్‌కు తగ్గట్టే హీరో ‘ప్రతాప్’ పడే కష్టాలు, చుట్టూ ఉన్న పరిస్థితులు ప్రేక్షకుల్లో ఆసక్తిని రేకెత్తిస్తున్నాయి.

సహజసిద్ధమైన నటనతో ఆకట్టుకునే తిరువీర్, ఈ సినిమాలో కూడా తనదైన మేనరిజమ్స్‌తో మరోసారి మెప్పించనున్నాడు. టీజర్‌లో చూపించిన విజువల్స్ మరియు బ్యాక్ గ్రౌండ్ స్కోర్ సినిమా మూడ్‌ను చక్కగా ఎలివేట్ చేశాయి. కేవలం వినోదం మాత్రమే కాకుండా, కథలో ఏదో బలమైన పాయింట్ ఉందనే సంకేతాన్ని టీజర్ ఇస్తోంది. ప్రస్తుతం అన్ని పనులు పూర్తి చేసుకున్న ఈ చిత్రం ఏప్రిల్ 17న ప్రపంచవ్యాప్తంగా థియేటర్లలో గ్రాండ్‌గా విడుదల కానుంది. ఈ చిత్రానికి ఎస్‌.పీ దుర్గ న‌రేష్ ద‌ర్శ‌క‌త్వం వ‌హిస్తుండ‌గా.. రాకేష్ రెడ్డి గ‌డ్డం, రుద్ర‌దేవ్ మాదిరెడ్డి సంయుక్తంగా నిర్మిస్తున్నారు. పాయ‌ల్ రాధ‌కృష్ణ ఈ చిత్రంలో క‌థానాయిక‌గా న‌టిస్తుంది.

Ee Papam ki backstory untundi… 😉🔥

Papam Prathap Teaser out now 🎥#PapamPrathap

A Win Original Production
In theatres from April 17th ✨@iamthiruveeR @rakeshreddy1224 @krishna_kri @ThisisNitin1111 @payal_radhu @arvindmule_pd @vishutheone @GuruKiran87 @Saikishore040 pic.twitter.com/nuOI3bi20z

— ETV Win (@etvwin) March 25, 2026