ప్రేమలో చాలా బాగుందే..

రాజ్‌తరుణ్‌ కథానాయకుడిగా నటిస్తున్న తాజా చిత్రం ‘తిరగబడరసామీ’. ఏ.ఎస్‌.రవికుమార్‌ చౌదరి దర్శకుడు. సురక్ష్‌ ఎంటర్‌టైన్‌మెంట్స్‌ పతాకంపై మల్కాపురం శివకుమార్‌ నిర్మిస్తున్నారు.

రాజ్‌తరుణ్‌ కథానాయకుడిగా నటిస్తున్న తాజా చిత్రం ‘తిరగబడరసామీ’. ఏ.ఎస్‌.రవికుమార్‌ చౌదరి దర్శకుడు. సురక్ష్‌ ఎంటర్‌టైన్‌మెంట్స్‌ పతాకంపై మల్కాపురం శివకుమార్‌ నిర్మిస్తున్నారు. మ్యూజికల్‌ ప్రమోషన్స్‌లో భాగంలో ఈ సినిమాలోని ‘చాలా బాగుందే’ అనే పాటను గురువారం విడుదల చేశారు. మెలోడీ ప్రధానంగా సాగే ఈ గీతానికి జేబీ స్వరాలను సమకూర్చగా శ్రీమణి సాహిత్యాన్నందించారు. నాయకానాయికల మధ్య అందమైన ప్రణయ భావనలను ఆవిష్కరిస్తూ ఈ పాట సాగింది. ఓ సాధారణ యువకుడు వ్యవస్థపై తిరుగుబాటు చేస్తే ఏం జరిగిందన్నదే చిత్ర కథాంశమని దర్శకుడు తెలిపారు. ఈ చిత్రానికి కెమెరా: జవహర్‌ రెడ్డి, సంగీతం: జేబీ, మాటలు: భాష్యశ్రీ, రచన-దర్శకత్వం: ఏ.ఎస్‌.రవికుమార్‌ చౌదరి.