Visit:
కబీర్సింగ్, ప్రసాద్ బెహరా, రాధ్య, మోనిక, స్నేహసింగ్, ఆకాంక్ష, ఈషాన్ శంకర్, అవినాష్ బాదల్, భార్గవి, రాశీ ముఖ్య తారలుగా నటించిన విభిన్న కథాచిత్రం ‘ది రెడ్ బ్యాగ్’. రవికుమార్ సీరపు దర్శకుడు. హరికృష్ణ సోమిశెట్టి నిర్మాత. త్వరలో సినిమా విడుదల కానున్నది. ఈ సినిమా టీజర్ లాంచ్ ఈవెంట్ హైదరాబాద్లో జరిగింది.
ఈ కార్యక్రమానికి అతిథిగా విచ్చేసిన ఏపీ మంత్రి టీజీ భరత్ టీజర్ని ఆవిష్కరించి, చిత్రబృందానికి శుభాకాంక్షలు అందించారు. ‘లైఫ్ టైమ్ ఇంపాక్ట్ చూపించే సినిమా ‘ది రెడ్ బ్యాగ్. ఈ సినిమా చూశాక ఎక్కడ రెడ్ బ్యాగ్ కనిపించినా, ‘ది రెడ్ బ్యాగ్’ సినిమా గుర్తొస్తుంది. ఈ సినిమాకు కథే హీరో. ప్రేక్షకులు పెట్టే డబ్బుకు న్యాయం చేసేలా సినిమా ఉంటుంది’ అని దర్శకుడు రవికుమార్ సీరపు నమ్మకంగా చెప్పారు. ఈ చిత్రానికి కెమెరా: ప్రియేష్ గురుస్వామి, సంగీతం: శేఖర్ మోపురి, నిర్మాణం: మెమరీ మేకర్స్.
