Visit:
‘ది రెడ్ బ్యాగ్’ చిత్రానికి మంచి హైప్ క్రియేట్ అయిందని, ఇప్పటివరకు రిలీజ్ చేసిన కంటెంట్ అందరికీ నచ్చిందని చెప్పారు చిత్ర నిర్మాత హరికృష్ణ సోమిశెట్టి. కబీర్సింగ్, ప్రసాద్ బెహరా, రాధ్య, మోనిక తదితరులు ప్రధాన పాత్రధారులుగా, రవి కుమార్ సీరపు దర్శకత్వంలో రూపొందిన ఈ సినిమా ఈ నెల 21న ప్రేక్షకుల ముందుకురానుంది.
ఈ సందర్భంగా నిర్మాత హరికృష్ణ సోమిశెట్టి చిత్ర విశేషాలు తెలియజేశారు. ఆద్యంతం సస్పెన్స్, థ్రిల్లింగ్ అంశాలతో సాగే చిత్రమిదని, కథలోని మలుపుల్ని ఎవరూ ఊహించలేరన్నారు. ప్రచార చిత్రాలకు సోషల్మీడియాలో అద్భుతమైన స్పందన లభించిందని, పీవీఆర్ ఐనాక్స్ పిక్చర్స్ సహకారంతో భారీ స్థాయిలో చిత్రాన్ని విడుదల చేయబోతున్నామని ఆయన తెలిపారు.
